अखेर कृपा झालीच! २० जानेवारीपासून शनिचे नक्षत्र संक्रमण, या राशींचा गोल्डन टाइम सुरू होणार

ज्योतिषतज्ज्ञांच्या मते, 20 जानेवारी 2026 रोजी शनि ग्रह स्वतःच्या नक्षत्रात प्रवेश करणार आहे, आणि हा नक्षत्र बदल काही राशींसाठी अत्यंत शुभ ठरणार आहे. विशेष म्हणजे, शनी सध्या मीन राशीत असून संपूर्ण वर्षभर याच राशीत भ्रमण करणार आहे. मात्र या काळात शनी तीन वेळा आपले नक्षत्र बदलणार असून, त्यातील पहिला नक्षत्र बदल 20 जानेवारी रोजी घडणार आहे.

advertisement

शनीचा नक्षत्र बदल का महत्त्वाचा?

ज्योतिषशास्त्रानुसार, शनी जेव्हा राशी किंवा नक्षत्र बदलतो, तेव्हा त्याचा प्रभाव सर्व 12 राशींवर पडतो. नक्षत्र बदल म्हणजे ग्रहाची सूक्ष्म पातळीवरील हालचाल, ज्याचा थेट परिणाम व्यक्तीच्या नशिबावर, कर्मावर आणि जीवनातील घटनांवर होतो. 20 जानेवारी 2026 रोजी दुपारी 12 वाजून 13 मिनिटांनी शनी स्वतःच्या नक्षत्रात उत्तराभाद्रपद नक्षत्रात प्रवेश करेल. हे नक्षत्र शनीचे असल्याने या काळात शनीची शक्ती अधिक प्रभावी मानली जाते.

या तीन राशींवर होणार विशेष कृपा

शनीच्या या नक्षत्र भ्रमणामुळे तीन राशींच्या लोकांना विशेष लाभ होणार असल्याचे ज्योतिषतज्ज्ञ सांगतात. या राशींसाठी हा काळ आर्थिक प्रगती, करिअरमध्ये यश आणि मानसिक स्थैर्य घेऊन येणारा ठरू शकतो.

मिथुन

मिथुन राशीच्या लोकांसाठी शनीचा नक्षत्र बदल भाग्यवर्धक ठरणार आहे. अडकलेली कामे मार्गी लागतील. आर्थिक स्थिती पूर्वीपेक्षा अधिक मजबूत होण्याची शक्यता आहे. नोकरीत असलेल्यांना पदोन्नती, जबाबदारी वाढ किंवा मान-सन्मान मिळू शकतो. नोकरी बदलण्याचा विचार करत असाल, तर पगारात चांगली वाढ होण्याची शक्यता आहे. खर्चावर नियंत्रण राहील आणि बचत वाढेल. तसेच वडिलोपार्जित मालमत्तेपासून लाभ होण्याची शक्यता व्यक्त केली जात आहे.

कर्क

कर्क राशीच्या लोकांसाठी शनीचे हे नक्षत्र भ्रमण अत्यंत लाभदायक ठरणार आहे. पैशाची चणचण दूर होईल आणि आर्थिक स्थैर्य प्राप्त होईल. व्यवसाय करणाऱ्यांना मोठे करार मिळू शकतात. व्यवसायाचा विस्तार होण्याची आणि नफ्यात वाढ होण्याची दाट शक्यता आहे. परदेशात नोकरी किंवा व्यवसायाची संधी मिळू शकते. अचानक धनलाभ होण्याचे योग आहेत. स्थावर मालमत्तेत गुंतवणूक केल्यास लाभ मिळण्याची शक्यता असून घर, जमीन यासंबंधी चांगली बातमी मिळू शकते.

मकर

मकर राशीच्या लोकांसाठी तर हा काळ विशेष शुभ मानला जात आहे, कारण शनी हा या राशीचा स्वामी ग्रह आहे. उत्पन्नात लक्षणीय वाढ होईल. दीर्घकाळ केलेल्या मेहनतीचे फळ मिळू लागेल. एखादा मोठा व्यावसायिक करार किंवा जबाबदारी मिळू शकते. गुंतवणुकीतून चांगला नफा मिळण्याची शक्यता आहे. तसेच कुटुंबात आनंदाचे वातावरण राहील. मुलांकडून एखादी आनंदाची बातमी मिळू शकते, ज्यामुळे मनःशांती मिळेल.

(सदर बातमी फक्त महितीकरिता असून न्यूज १८ मराठी कुठलाही दावा करत नाही)