मकर, कन्या आणि वृषभ - पैशाचे मास्टर प्लॅनर
या 3 राशींचे लोक पैशाचे मूल्य चांगले जाणतात, ते विनाकारण खर्च करत नाहीत. त्यांना एखाद्या गोष्टीची गरज असली तरी ते विचार करून, तुलना करून आणि किंमत तपासल्यानंतरच ते खरेदी करतात. लोक त्यांना कंजूष म्हणून अनेकदा चिडवतात, परंतु सत्य असं आहे की, ते पैशाच्या व्यवस्थापनात माहीर असतात. या राशीच्या लोकांकडे नेहमीच आपत्कालीन निधी शिल्लक असतो आणि त्यांना क्वचितच पैसे उधार घ्यावे लागतात.
advertisement
कुंभ, तूळ आणि मिथुन - मनाने खर्च करणारे
या राशीच्या लोकांना प्रत्येक पैशाचा योग्य वापर कसा करायचा हे माहीत असतं. खरेदीची योग्य वेळ आणि सवलतींची वाट पाहणं ही त्यांच्यासाठी कॉमन गोष्ट आहे. त्यांना निरुपयोगी गोष्टींवर पैसे वाया घालवणं आवडत नाही, ते फक्त अशा गोष्टींवर खर्च करतात जिथे त्यांना चांगले परतावे मिळतात. या लोकांना ऑफर वैगेरे लवकर समजतात, पैसे वाचवणं हा त्यांच्यासाठी खेळ असतो, ज्यामध्ये ते जिंकतात, फालतू खर्च करत नाहीत, शक्य असेल तिथे पैसे वाचवण्याचा प्रयत्न करतात.
जन्माष्टमीला या 4 मूलांकाचे नशीब उजळणार; नवी गाडी, पगारवाढ, पैसा येणार
धनु, मीन आणि कर्क - खर्चात भावनिक
या राशीचे लोक पैशाच्या बाबतीत खूप भावनिक असतात, त्यांना वाटत असेल की त्यांनी एखाद्याला मदत करावी किंवा त्यांना एखाद्या गोष्टीतून आनंद मिळेल, तर ते उदारतेने खर्च करतात. कधीकधी ते हुशारीने खर्च करतात, परंतु बहुतेकदा ते भावनिकतेतून निर्णय घेतात, त्यांना नातेसंबंधांसाठी पैसे खर्च करण्यास, भेटवस्तू देण्यात ते पुढे असतात.
मेष, सिंह आणि वृश्चिक - राजेशाही खर्च करणारे
या राशीच्या लोकांची शैली खर्च करणारी असते. त्यांना जे आवडेल ते ते लगेच खरेदी करतील, त्यांना त्याची गरज असो वा नसो. त्यांच्यासाठी खरेदी करणं आनंद मिळवण्याची बाब असते. कदाचित त्यांना थोड्या वेळानं पश्चात्ताप होऊ शकतो. बऱ्याचदा त्यांचा विचार असा असतो, पैसा हा खर्च करण्यासाठीच आहे, मग का खर्च करू नये.
शनिचा फेरा कधी, कसा छळणार? मेष, वृषभ, मिथुन राशींचा टाईम फिक्स; कर्मफळ
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)