Bhiwandi Crime : एका टॅटुमुळे सापडला खुनाचा आरोपी! एकतर्फी प्रेमातून तरुणीची हत्या, कसा अडकला पोलिसांच्या जाळ्यात?

अटक झालेल्या आरोपीचे नाव राजू महेंद्र सिंग (वय २२) असे आहे. राजूवर गेल्यावर्षी ऑक्टोबर महिन्यात भिवंडीतील एका तरुणीचा खून केल्याचा गंभीर आरोप आहे. आरोपीचे त्या मुलीवर एकतर्फी प्रेम होते. मात्र, त्याच्या भावना नाकारल्या गेल्याने संतापलेल्या सिंगने थेट तिच्यावर चाकूने वार करून तिचा खून केला. एवढ्यावरच थांबता न बसता, त्या वेळी बहीण मदतीला धावून आली असता तिच्यावरही चाकूहल्ला करण्यात आला होता. या दुर्दैवी घटनेनंतर परिसरात मोठ्या प्रमाणावर खळबळ उडाली होती.

या प्रकरणात शांतीनगर पोलिस ठाण्यात गुन्हा दाखल झाला. प्राथमिक तपासात दोन जणांना अटक करण्यात आली. पण मुख्य आरोपी असलेला राजू मात्र घटनास्थळावरून पसार झाला. त्यानंतर तो सतत पळत राहिला. महाराष्ट्रातून बाहेर पडून तो मध्य प्रदेशपर्यंत पोहोचला. दहा महिने पोलिस त्याचा शोध घेत होते, पण तो प्रत्येक वेळी हातातून निसटत होता.