आजचं हवामान: वारं फिरलं, पितृपक्षात मुसळधार पावसाचं संकट, 4 जिल्ह्यांसाठी धोक्याचा इशारा

पश्चिम बंगालच्या खाडीतून महाराष्ट्राच्या दिशेनं वारं पुढे सरकत आहे. कमी दाबाचा पट्टा तयार झाल्यानं पुन्हा एकदा महाराष्ट्रात वादळी वाऱ्यासह मुसळधार पाऊस राहणार आहे. पावसाने कोकण, पश्चिम महाराष्ट्रात विश्रांती घेतली होती. तर सोलापूरमध्ये रातोरात ढगफुटीसदृश्यं पाऊस झाल्यानं तिथे महामार्ग वाहतुकीसाठी बंद करण्यात आले होते. नदी ओढ्यांना पूर आल्याने रस्ते जलमय झाले आणि लोकांच्या घरातही गुडघाभर पाणी शिरलं. सोलापूरमध्ये मागच्या 48 तासात भीषण परिस्थिती निर्माण झाली आहे.