भक्तांनो! आज दत्त जयंतीच्या दिवशी या चूका अजिबात करू नका, अन्यथा जीवनात अडचणी येणारच

मुंबई : हिंदू धर्मग्रंथांनुसार मार्गशीर्ष महिन्यातील पौर्णिमा तिथीला दत्त जयंती साजरी केली जाते. भगवान दत्तात्रेय हे ब्रह्मा, विष्णू आणि महेश या त्रिमूर्तींचे अवतार मानले जातात. त्यांचा जन्म मार्गशीर्ष पौर्णिमेलाच झाला असल्याने या दिवसाला विशेष आध्यात्मिक महत्त्व आहे. दरवर्षीप्रमाणे यंदाही भक्तगण मोठ्या श्रद्धा आणि उत्साहाने दत्त जयंती साजरी करण्यास सज्ज झाले आहेत.

advertisement

यंदाची दत्त जयंती पौर्णिमा सकाळी 8 वाजून 38 मिनिटांनी सुरू होणार असून 5 डिसेंबर 2025 रोजी पहाटे 4 वाजून 44 मिनिटांनी समाप्त होईल. या शुभ काळात भगवान दत्तांच्या कृपेची प्राप्ती व्हावी, आयुष्यातील अडथळे दूर व्हावेत आणि मानसिक शांती लाभावी, यासाठी काही विधी अत्यंत शुभ मानले जातात. त्याचबरोबर काही गोष्टींना या दिवशी मनाई करण्यात आली आहे. चला, जाणून घेऊया दत्त जयंतीच्या दिवशी कोणत्या गोष्टी केल्या पाहिजेत आणि कोणत्या टाळल्या पाहिजेत.

दत्त जयंतीच्या कोणत्या शुभ गोष्टी कराव्यात

त्रिमूर्तीची पूजा

दत्त जयंतीला मंदिरात किंवा घरी भगवान दत्तात्रेय तसेच ब्रह्मा, विष्णू आणि महेश यांच्या त्रिमूर्तीची मनोभावे पूजा करावी. देवाला पांढरे फुल, बेलपत्र आणि नैवेद्य अर्पण करणे अत्यंत फलदायी मानले जाते.

दत्त मूर्ती स्थापना आणि अभिषेक

या दिवशी भगवान दत्तांची मूर्ती किंवा प्रतिमा गंगाजलाने स्नान घालून पवित्र केली जाते. त्यानंतर पवित्र तांदूळ, चंदन, शिंपण आणि पंचामृताने अभिषेक करणे शुभ मानले जाते.

भगवद्गीतेचे पठण

दत्त जयंतीला भगवद्गीतेचे वाचन किंवा श्रवण करणे अत्यंत पुण्यप्रद मानले जाते. असे केल्याने संकटं दूर होतात, मानसिक चंचलता कमी होते आणि घरात शांतता नांदते, असा विश्वास आहे.

दानधर्म आणि सेवा

दत्तात्रेय हे करुणेचे प्रतीक मानले जातात. त्यामुळे या दिवशी गरीब, गरजू, वृद्ध किंवा विद्यार्थी यांना अन्न, वस्त्र किंवा पैसे देणे शुभ फलदायी मानले जाते. दान केल्याने दत्तगुरूंची कृपा वाढते असे सांगितले जाते.

दत्त जयंतीच्या दिवशी ‘या’ गोष्टी टाळाव्यात

मांसाहार आणि मद्यपान

या दिवशी कोणत्याही प्रकारचा मांसाहार तसेच मद्यपान पूर्णपणे टाळावे. हे दोन्ही कर्म अशुभ मानले जातात आणि पूजा-उपासनेच्या शुद्धतेला बाधा आणतात.

अपशब्द, वाद-विवाद आणि राग

दत्त जयंतीच्या दिवशी कोणाशीही अपशब्द वापरणे, रागाने बोलणे किंवा अनावश्यक वाद घालणे टाळावे. शांतता आणि संयम राखणे या दिवशी अत्यंत आवश्यक मानले जाते.

खोटे बोलणे

खोटे बोलणे पापकारक मानले जाते. या दिवशी ते विशेषतः टाळावे, कारण यामुळे भक्तीची प्रभावीता कमी होते, असा धार्मिक समज आहे.

रिकाम्या हाती घराबाहेर पडणे

दत्त जयंतीच्या दिवशी घराबाहेर पडताना पाण्याची बाटली, फळ, नाणे किंवा कोणतीही शुभ वस्तू हातात घेऊन बाहेर पडावे. रिकाम्या हाताने बाहेर जाणे अशुभ मानले जाते.

(सदर बातमी फक्त माहिती करिता असून न्यूज 18 मराठी कुठलाही दावा करत नाही)