शेकोटी आणि स्वेटरही नाही पुरणार! महाराष्ट्रात थंडीची लाट कायम, उत्तर महाराष्ट्र, मराठवाड्यात IMD कडून अलर्ट

उकाड्यानंतर राज्यात पुन्हा एकदा थंडीचा कडाका वाढू लागला आहे. रात्री उशिरा आणि पहाटे थंड वारे सुटत आहेत. मुंबईसह उपनगरात देखील तापमानाचा पारा घसरला आहे. डिसेंबर महिन्याच्या पहिल्या आठवड्यात देशातील हवामानाचा लहरीपणा स्पष्टपणे दिसत आहे. एका बाजूला दक्षिण भारतात वादळी पावसाचा जोर अजूनही कायम आहे, तर दुसरीकडे महाराष्ट्रासह उत्तर भारतात कडाक्याच्या थंडीची लाट पसरली आहे. हवामान विभागाने दिलेल्या माहितीनुसार, सध्या जाणवत असलेला गारठा येत्या काही दिवसांत आणखी वाढण्याची शक्यता आहे.