Pune Train: पुणेकरांसाठी 'महत्त्वाची सूचना'! दौंड-मनमाड दरम्यान रेल्वेचा पॉवरब्लॉक; 30 हून अधिक गाड्या रद्द

पुणे : पुणे विभागातून प्रवास करणाऱ्या रेल्वे प्रवाशांना नवीन वर्षात मोठे बदल आणि गैरसोयींना सामोरे जावे लागणार आहे. दौंड-मनमाड विभागातील दौंड ते काष्टी स्थानकांदरम्यान सुरू असलेल्या दुहेरीकरणाच्या कामासाठी रेल्वे प्रशासनाने ४ ते २५ जानेवारी २०२६ या कालावधीत पॉवरब्लॉक घेण्याचा निर्णय घेतला आहे. प्री-नॉन इंटरलॉकिंग आणि नॉन-लॉकिंग कामासाठी पॉवरब्लॉक घेण्यात येणार आहे. या तांत्रिक कामामुळे पुणे विभागातून धावणाऱ्या ३० हून अधिक रेल्वे गाड्या रद्द करण्यात आल्या असून, अनेक लांब पल्ल्याच्या गाड्यांच्या मार्गात बदल करण्यात आला आहे किंवा त्यांना उशीर होणार आहे.