Success Story : शेतकऱ्यानं चालवलं डोकं, शेतीला जोडधंदा म्हणून निवडला दूध व्यवसाय, महिन्याला 1 लाख कमाई

छत्रपती संभाजीनगर : अनेक शेतकरी शेतीला जोडधंदा म्हणून दूध व्यवसायाकडे वळत आहेत. शेंद्रा येथील बाळासाहेब काकडे हे गेल्या दोन वर्षांपासून कुंभेफळ येथे त्यांच्या शेतात गायपालन करत आहेत. काकडे यांच्याकडे लहान मोठ्या 23 गाई आहेत. या गाईंच्या माध्यमातून दिवसाला जवळपास 130 लिटर दूध काढले जाते. तसेच त्या दुधाची विक्री दूध डेअरीला केली जाते. दूध विक्रीतून काकडे यांची महिन्याला 1 लाख 40 हजार रुपयांची उलाढाल होते तर सर्व खर्च वजा करून 1 लाख रुपये कमाई होत असल्याचे बाळासाहेब काकडे यांनी लोकल 18 सोबत बोलताना सांगितले.