Badlapur News: पोलीस स्टेशनबाहेरच शिंदे गटाचा राडा, भाजप उमेदवाराच्या लेकाला चोपलं, पोलिसांचा लाठीमार

बदलापूर : स्थानिक स्वराज्य निवडणुकीच्या मतदाना दिवशी बदलापूरमध्ये तणावपूर्ण परिस्थिती निर्माण झाली आहे. आज सकाळी भाजप आणि शिंदे गटाच्या कार्यकर्त्यांमध्ये जोरदार राडा झाला. या राड्याचा वाद शांत होईपर्यंत दुसरी घटना समोर आली आहे. बदलापूर पोलीस ठाण्याच्या बाहेरच शिंदे गट आणि भाजप कार्यकर्त्यांमध्ये हाणामारी झाल्याचे वृत्त समोर आले आहे. शिंदे गटाच्या कार्यकर्त्यांनी भाजप उमेदवाराच्या मुलाला चोपलं असल्याची घटना घडली. जमावाला पांगवण्यासाठी पोलिसांना सौम्य लाठीमार करावा लागला.