Weather Alert: कोकणात हवेचा पॅटर्न बदलला, मुंबई-ठाण्यात आज काय स्थिती, पाहा हवामान अपडेट
- Reported by:Namita Suryavanshi
- Published by:Shankar Pawar
Last Updated:
Weather Alert: मुंबईसह कोकणातील हवामानात पुन्हा बदल जाणवत आहेत. काही ठिकाणी गारठा वाढला असून गुरुवारचा हवामान अंदाज जाणून घेऊ.
उत्तर भारतातून येणाऱ्या शीतलहरींमुळे राज्यातील काही भागात तापमानाचा पारा चांगलाच घसरला आहे. त्याचा प्रभाव मुंबईसह कोकण किनारपट्टीवरही जाणवत आहे. गेल्या 3-4 दिवसांपासून या भागात थंडी जाणवू लागली आहे. सकाळी आणि रात्री गारठा वाढला असून कमाल तापमानही तीसच्या घरात कायम आहे. आज, गुरुवारी मुंबई-ठाण्यासह कोकणातील हवामान अंदाज जाणून घेऊ.
advertisement
मुंबईत 4 डिसेंबरला पहाटे आणि सकाळी हलकासा गारवा राहील. रात्रीचे तापमान साधारण 22 ते 24 अंशांच्या दरम्यान तर दुपारी तापमान 30 ते 31 अंशांपर्यंत वाढेल. दिवसभर आकाश स्वच्छ ते हलकं धुकट राहील आणि दुपारच्या वेळी हलका उकाडा जाणवेल. गेल्या काही दिवसांमध्ये सकाळच्या गारव्यामध्ये थोडी वाढ झाली असली तरी दिवसा तापमानात फारशी घट झालेली नाही. त्यामुळे शहरात “रात्री गारवा—दिवसा उष्णता” असा साधारण पॅटर्न दिसत आहे.
advertisement
ठाण्यात गुरुवारी काही भागांत तापमान 16 ते 20 अंशांपर्यंत खाली येत आहे तर दुपारी पारा 35 ते 36 अंशांपर्यंत वाढण्याची शक्यता आहे. म्हणजे सकाळी थंड वातावरण, पण दुपारी जाणवणारा उकाडा अधिक तीव्र होईल. नवी मुंबईत मात्र किनाऱ्याच्या जवळ असल्यामुळे तापमान ठाण्यापेक्षा थोडं संतुलित राहील. येथे रात्री सुमारे 20 ते 22 अंश आणि दिवसा 32 ते 34 अंश असेल. दोन्ही शहरांमध्ये हवामान स्वच्छ, कोरडे आणि तापमानातील दिवस-रात्र फरक अधिक जाणवणारा असेल.
advertisement
पालघर जिल्ह्यात 4 डिसेंबरला सकाळी आणि रात्री हलकासा थंडावा जाणवेल आणि तापमान साधारण 16 ते 18 अंशांच्या आसपास राहण्याची शक्यता आहे. दुपारच्या वेळेस मात्र तापमान 33 ते 35 अंशांपर्यंत वाढेल आणि हलका ते मध्यम उकाडा जाणवेल. समुद्रकिनाऱ्यामुळे रात्रीच्या वेळी हवेत गार व्यतिरिक्त ओलावा थोडासा अधिक, तर दिवसा सूर्यप्रकाशामुळे तापमानात झपाट्याने वाढ असा स्पष्ट बदल दिसेल.
advertisement
कोकणातील रायगडमध्ये 4 डिसेंबरला किनाऱ्याजवळ गारवा सौम्य जाणवेल तर अंतर्गत भागात रात्रीचे तापमान 15 ते 18 अंशांपर्यंत खाली येईल, तर दुपारी तापमान 34 ते 36 अंशांच्या दरम्यान जाईल. रत्नागिरी आणि सिंधुदुर्गमध्ये देखील काहीशी हीच स्थिती राहील. एकंदरीत उत्तर कोकणात रात्रीचे तापमान कमी होत असतानाच दक्षिण कोकणात दिवसा उष्णतेची तीव्रता अधिक जाणवेल .







