FASTag वार्षिक पास फक्त कार, जीप आणि व्हॅनसाठी वापरता येईल. तो बस, ट्रक किंवा इतर व्यावसायिक वाहनांसाठी काम करणार नाही. एकूणच, या पाससह तुम्ही खूप बचत करू शकता, कारण एकदा अ‍ॅक्टिव्ह झाल्यानंतर, हा पास संपूर्ण वर्षभर अ‍ॅक्टिव्ह राहील. तुम्हाला वार्षिक फास्टॅग पास अ‍ॅक्टिव्ह करायचा असेल, तर आम्ही तुम्हाला संपूर्ण प्रक्रिया स्टेप-बाय-स्टेप सांगत आहोत.
advertisement
FASTag यूझर्स सावधान! एका क्लिकमध्ये रिकामं होऊ शकतं अकाउंट, असा करा बचाव
1. हायवे ट्रॅव्हल अ‍ॅप डाउनलोड करा किंवा NHAI वेबसाइटला भेट द्या
वार्षिक पास केवळ हायवे ट्रॅव्हल मोबाइल अ‍ॅप किंवा NHAI च्या अधिकृत वेबसाइटवरून अ‍ॅक्टिव्ह करता येतो. अ‍ॅक्टिव्ह करताना, इंटरनेट कनेक्शन चांगले असले पाहिजे आणि अ‍ॅपचे लेटेस्ट व्हर्जन इंस्टॉल केलेली असणे आवश्यक आहे, जेणेकरून कोणतीही तांत्रिक समस्या उद्भवणार नाही. हे अ‍ॅप Android आणि iOS दोन्हीवर उपलब्ध आहे.
2.लॉगिन करा आणि एलिजिबिलिटी चेक करा
मोबाइल नंबर किंवा वाहन क्रमांक (VRN) प्रविष्ट करून लॉगिन करा. लक्षात ठेवा की तुमचा FASTag अ‍ॅक्टिव्ह असावा. तो वाहनावर योग्यरित्या चिकटलेला असावा. व्हॅलिड VRN शी जोडलेला असावा आणि ब्लॅक लिस्टमध्ये नसावा. FASTag फक्त चेसिस नंबरवर नोंदणीकृत असेल, तर पुढे जाण्यापूर्वी तो VRN सह अपडेट करणे आवश्यक आहे. तसेच तुमचे वाहन खाजगी/अव्यावसायिक आहे याची खात्री करा, तरच ते वार्षिक पाससाठी पात्र ठरेल.
एक क्लिक आणि फोनवर होईल मालवेअर अटॅक! कॅप्चा स्कॅमपासून असा करा बचाव
3. वाहन आणि FASTag डिटेल्स भरा
तुमच्या वाहनाचे डिटेल्स आणि FASTag ID प्रविष्ट करा. आवश्यक असल्यास आरसी, मालकाचा आयडी आणि पत्ता पुरावा आणि पासपोर्ट आकाराचा फोटो अपलोड करा. सबमिट करण्यापूर्वी सर्व डिटेल्स काळजीपूर्वक तपासा, कारण जुळत नसल्यास प्रक्रियेला विलंब होऊ शकतो किंवा नकार मिळू शकतो.
4. पेमेंट करा
202526 च्या वार्षिक पाससाठी शुल्क ₹3,000 आहे. तुम्ही हे पेमेंट UPI, डेबिट/क्रेडिट कार्ड किंवा नेट बँकिंगद्वारे करू शकता. लक्षात ठेवा की वॉलेट बॅलन्समधून पेमेंट स्वीकारले जाणार नाही. पेमेंट पावती/पुष्टीकरण सुरक्षित ठेवा जेणेकरून कोणत्याही समस्येच्या बाबतीत तुम्ही ते संदर्भ म्हणून दाखवू शकाल.
5. अ‍ॅक्टिव्हेशन कन्फर्मेशन
पेमेंट आणि व्हेरिफिकेशननंतर, तुमचा वार्षिक पास विद्यमान FASTag वर अ‍ॅक्टिव्ह केला जाईल. सहसा ही प्रक्रिया 2 तासांत पूर्ण होते. परंतु कधीकधी यास 24 तास लागू शकतात. अ‍ॅक्टिव्हेशन यशस्वी झाल्यास तुम्हाला एसएमएस कन्फर्मेशन मिळेल. टोल प्लाझावर वापरण्यापूर्वी पास अ‍ॅक्टिव्ह आहे याची खात्री करण्यासाठी तुम्ही अ‍ॅपच्या डॅशबोर्डवर किंवा NHAI वेबसाइटवर पासचं स्टेटस देखील तपासू शकता.