एक क्लिक आणि फोनवर होईल मालवेअर अटॅक! कॅप्चा स्कॅमपासून असा करा बचाव

हे मालवेअर तुमच्या फोन आणि कंम्प्यूटरमधून डेटा चोरण्यास सक्षम आहे. यूझर्सने ब्राउझिंग करताना सावधगिरी बाळगली पाहिजे. विशेषतः अज्ञात वेबसाइटना भेट देताना किंवा पॉप-अप जाहिरातींवर क्लिक करताना किंवा ब्राउझर सूचना चालू करताना. बर्‍याच वेळा स्क्रीनवर एक प्रॉम्प्ट येतो ज्यामध्ये असे म्हटले आहे की मी रोबोट नाही, या ऑप्शनवर टिक केल्यानंतरच हा बॉक्स काढून टाकला जातो आणि तुम्ही पुढे जाऊ शकता. साइट्स किंवा सर्च इंजिन असा कोड ठेवतात जेणेकरून कोणताही रोबोट (बॉट) साइटला भेट देत नाही याची पडताळणी करता येईल.

फ्रॉड करणारे हॅक केलेल्या वेबसाइट्स आणि फिशिंग ईमेलमध्ये बनावट कॅप्चा कोड टाकतात आणि तुम्ही कॅप्चा कोड वापरताच, मालवेअर तुमच्या सिस्टममध्ये इंस्टॉल होतो. एकदा ते तुमच्या सिस्टममध्ये प्रवेश केले की, हे मालवेअर तुमचा बँकिंग डेटा आणि लॉग-इन डिटेल्स चोरते.