नांदेड जिल्ह्यात मागील दोन दिवसांपासून तुफान पाऊस सुरू आहे. शनिवारी सुद्धा सकाळपासून पाऊस सुरू आहे. हिमायतनगर तालुक्यात हदगाव -हिमायतनगर रस्त्यातील अंडरब्रीजमध्ये मोठ्या प्रमाणात पाणी साचलं आहे. पाणी साचल्यामुळे अनेक वाहनचालकांना पूल ओलांडणे कठीण झालं आहे. अनेक जणांनी पर्यायी रस्त्याचा मार्ग स्विकारला.
अशातच हिमायतनगर तालुक्यातील जवळगाव जवळची ही घटना आहे. हदगाव -हिमायतनगर रस्त्यातील अंडरब्रीजजवळ एक महिंद्रा Thar गाडी पोहोचली. लोकांनी त्याला गाडी पाण्यात घालू नको असं आवाहन केलं. पण आपल्याकडे तर महिंद्रा Thar आहे, असं म्हणत या पठ्याने पाण्यातून थार नेण्याचा प्रयत्न केला.
( संसार मोडला अन् साथही सुटली, मुसळधार पावसात वृद्ध दाम्पत्याचा झोपेतच मृत्यू, नांदेडमधील घटना)
काही अंतर तो पोहोचला खरा पण ब्रीजमध्ये पाणी जास्त असल्याने कारमध्येच बंद पडली. थार निम्मी पाण्याखाली गेली होती. आता पाणी इंजिनमध्ये गेल्यामुळे गाडी बंद पडली अन् थार पाण्याच्या बोटीसारखी फिरायला लागली. स्थानिकांनी हा सगळा प्रकार कॅमेऱ्यात केला. सुदैवाने लोकांनी धाव घेऊन लगेच थार चालकाला बाहेर काढलं. त्यामुळे पुढी अनर्थ टळला. मात्र, या गाडी पाण्यात बुडाली आहे, त्यामुळे थारचालकाचं मोठं नुकसान झालं आहरे.