Nanded Rain: संसार मोडला अन् साथही सुटली, मुसळधार पावसात वृद्ध दाम्पत्याचा झोपेतच मृत्यू, नांदेडमधील घटना

नांदेड जिल्ह्यातील सर्वदूर पाऊस सुरू आहे. अशातच कंधार तालुक्यातील कोटबाजार गावामध्ये अंगावर भिंत कोसळून पती-पत्नीचा मृत्यू झाला आहे. शेख नासेर आणि त्यांची पत्नी शेख हसीना यांचा या दुर्घटनेत मृत्यू झाला आहे.  मागील दोन दिवसांपासून जिल्ह्यात मुसळधार पाऊस सुरू आहे. शेख नासेर यांचं कोटबाजारात मातीचं घर आहे. संततधार पावसामुळे कच्च्या मातीची भिंती कमकुवत झाली. त्यातून ही घटना घडली. शुक्रवारी रात्री शेख नासेर त्यांच्या पत्नी शेख हसीना झोपलेले असताना अंगावर भिंत पडली. यात दोन्ही वृद्ध दाम्पत्यांचा जागीच मृत्यू झाला. या घटनेमुळे गावावर शोककळा पसरली आहे.