जीएसटी कपातीनंतर, टोयोटा फॉर्च्युनरसारखे लोकप्रिय मॉडेल खरेदी करणे सोपे झाले आहे. खरं तर, टोयोटा फॉर्च्युनरच्या किंमतीत 3.49 लाख रुपयांची कपात करण्यात आली आहे. टोयोटा फॉर्च्युनरच्या कोणत्या व्हेरिएंटवर किती सूट मिळणार आहे ते पाहूया. पूर्वी फॉर्च्युनरवर 50% (28% जीएसटी + 22% सेस) कर आकारला जात होता. जो आता जीएसटी कपातीनंतर 40% एकसमान करण्यात आला आहे.
advertisement
Sunroof कार खरेदीचा प्लॅन आहे? मग आधी जाणून घ्या या गोष्टी, होईल फायदा
कोणत्या व्हेरिएंटवर सर्वाधिक सूट मिळत आहे?
टोयोटा फॉर्च्युनरच्या 4X2 MT Petrol व्हेरिएंटची किंमत आधी 36.05 लाख रुपये होती, जी आता 33.65 हजार रुपये करण्यात आली आहे. अशाप्रकारे, या व्हेरिएंटवर एकूण 2.40 लाख रुपयांची सूट दिली जात आहे. फॉर्च्युनरच्या जीआरएस व्हेरिएंटवर सर्वाधिक सूट दिली जात आहे. त्याची एक्स-शोरूम किंमत 52.34 लाख रुपये आहे, जी 48.85 लाख रुपये करण्यात आली आहे. म्हणजेच, या मॉडेलवर तुम्हाला 3.49 लाख रुपयांचा फायदा मिळणार आहे.
GST 2.0: आता छोटी कार कशाला घेता, थेट SUV घ्या! Maruti ची SUV तब्बल 1.11 लाखांने स्वस्त
टोयोटा मोटर्स काय म्हणतात?
टोयोटा किर्लोस्कर मोटरचे उपाध्यक्ष विरिंदर वाधवा म्हणाले, "हे ऐतिहासिक पाऊल उचलल्याबद्दल आम्ही भारत सरकारचे आभार मानतो. जीएसटी 2.0 मुळे ग्राहकांना कार खरेदी करणे सोपे होईल आणि ऑटो उद्योगावरील विश्वासही मजबूत होईल. या बदलामुळे सणासुदीच्या काळात मागणी आणखी वाढेल. टोयोटा नेहमीच पारदर्शक आणि ग्राहक-प्रथम धोरणावर काम करते आणि म्हणूनच जीएसटी कपातीचा संपूर्ण फायदा थेट ग्राहकांना दिला जाईल.