TRENDING:
धारुर तालुक्यातील पिंपरवाडा येथील शेत गट नं. 33 मध्ये रामहरी कारभारी तिडके या शेतकऱ्याने शेततळ्याच्या माध्यमातून पाणी संकलित करत तीन गुंठे क्षेत्रावर अफूची लागवड केली. यातून चार कोटी रुपयांची अफूची शेती पिकविल्याचे पोलिस कारवाईत उघड झालेय. शेतात अफू लागवडीबाबत माहिती मिळताच स्थानिक गुन्हे शाखा पथक व धारूर पोलिसांनी ही कारवाई केली.
advertisement
एकीचे बळ अन् मजुरांची जिद्द, 10 टन ऊसाने भरलेली ट्रॅक्टर-ट्रॉली 17 जणांनी ओढली, सांगलीतील अजब घटना
तिडके यांनी शेतात अमली पदार्थांच्या झाडांची बेकायदेशीर आणि विनापरवाना लागवड केल्याचे दिसून आले. यावेळी अमली पदार्थ अफूची पांढरी शुभ्र फुले व त्यास गोलाकार बोंड असलेली हिरवी व पिवळसर पाने असलेली झाडे मुळासह काढण्यात आली. एकूण 45 गोण्या अफू जप्त करण्यात आली. पोलिसांनी केलेल्या वजनानुसार 540 किलो 759 ग्रॅम अफू जप्त केली. बाजारमूल्यानुसार 80 हजार रुपये प्रतिकिलोप्रमाणे जप्त अफूची किंमत 4 कोटी 32 लाख 60 हजार 720 रुपये आहे. रामहरी तिडके याच्याविरुद्ध धारूर ठाण्यात गुंगीकारक औषधी द्रव्ये व मनोव्यापारावर परिणाम करणारे पदार्थ अधिनियम 1985 कलम 8 (बी), 15, 18 प्रमाणे गुन्हा दाखल करून करण्यात आला असून पुढील कारवाई सुरू आहे.
दरम्यान, आरोपीला 2 मार्च रोजी धारूर न्यायालयासमोर हजर केले असता 5 दिवसांची पोलिस कोठडी सुनावली आहे. पोलिस अधीक्षक नवनीत काँवत, अपर पोलिस अधीक्षक सचिन पांडकर, अंबाजोगाईच्या अपर पोलिस अधीक्षक चेतना तिडके यांच्या मार्गदर्शनाखाली पोलिस निरीक्षक उस्मान शेख, सपोनि विजयसिंग जोनवाल, उपनिरीक्षक महेश विघ्ने, ग्रेड उपनिरीक्षक हनुमान खेडकर, पोह. तुषार गायकवाड, महेश जोगदंड, भागवत शेलार, पो. अं. बप्पासाहेब घोडके, एएसआय संजय जायभाये तसेच धारूर ठाण्याचे सपोनि देविदास वाघमोडे, एएसआय भुसारी व कर्मचाऱ्यांनी ही संयुक्त कारवाई केली.
Click here to add News18 as your preferred news source on Google.