TRENDING:
काय आहे प्रकरण?
मिळालेल्या माहितीनुसार, अजय रंगनाथ पवार आणि त्याची पत्नी काजल हे बहीण मंगल वाळू मधे यांच्याकडे पिंपळगाव डुकरा येथे आले होते. दरम्यान, गुरुवारी रात्री अजय पवार आणि अनिल गिन्हे हे दोघे एकत्र असताना अनिलने अजयच्या पत्नीबद्दल अपशब्द वापरल्याचे तसेच त्याच्या मनात वाईट भावना असल्याचे काजलच्या निदर्शनास आले.
Pune News: लग्नासाठी नवरा शोधायला गेली अन् हाताला लागला भामटा, पुण्याची 44 वर्षीय महिला कशी फसली?
advertisement
यावरून अजयचा पारा चढला. पत्नी काजलने बहिणीला फोन करून घडलेला प्रकार सांगितला आणि "माझा पती रागाच्या भरात काहीतरी टोकाचे पाऊल उचलणार आहे, तुम्ही लवकर घरी चला," असा इशारा दिला. दोघींनी तातडीने धाव घेतली, मात्र तोपर्यंत अजयने अनिलचा दगडाने ठेचून खून केला होता. अनिल रक्ताच्या थारोळ्यात पडलेला पाहून सगळेच हादरले.
दोन तासांत आरोपी गजाआड
घटनेची माहिती मिळताच वाडीवऱ्हे पोलिसांनी तातडीने तपासाची सूत्रे हालवली. पोलीस निरीक्षक भगवान मथुरे यांच्या मार्गदर्शनाखाली उपनिरीक्षक पांडुरंग जाधव आणि त्यांच्या पथकाने परिसरात शोधमोहीम राबवून संशयित अजय रंगनाथ पवार याला अवघ्या दोन तासांत अटक केली. गुन्ह्यातील आरोपीला तात्काळ जेरबंद केल्यामुळे पोलीस दलाचे कौतुक होत आहे. या घटनेने संपूर्ण परिसरात मोठी खळबळ उडाली आहे.