सातारा एसटी स्टँडवर थरार! भर रस्त्यात नाचवत होता 'नंगी तलवार', पोलिसांनी आवळल्या मुसक्या

पोलिसांनी त्या व्यक्तीला चालाखीने पकडले

ही माहिती मिळताच क्षणाचाही विलंब न लावता, पोलीस काशीद आणि भोंडबे यांनी त्या तरुणाचा शोध सुरू केला. काही वेळातच तो तरुण एसटी स्टँड परिसरात त्यांच्या नजरेस पडला. परिस्थितीचे गांभीर्य ओळखून, दोन्ही पोलिसांनी अत्यंत संयमाने आणि धैर्याने त्याला शांत राहण्याचे आवाहन केले आणि मोठ्या चालाखीने त्याला पकडले. त्याच्या हातात असलेली धारदार तलवार जप्त करण्यात आली.

advertisement

वाढदिवसाची भेट होती 'ही' तलवार

या घटनेची माहिती शहर पोलिसांना मिळताच गुन्हे प्रकटीकरण शाखेने तातडीने घटनास्थळी धाव घेतली. प्रवीण विजय बल्लाळ (वय 28, रा. एनकुळ, ता. खटाव) असे नाव असलेल्या या तरुणाला ताब्यात घेऊन त्याची कसून चौकशी करण्यात आली. चौकशीदरम्यान त्याने जो खुलासा केला, तो धक्कादायक होता. प्रवीणने सांगितले की, तो पुण्याहून ही तलवार आपल्या एका नातेवाईकाच्या वाढदिवसाला 'भेट' म्हणून देण्यासाठी आणली होती.

सतर्कतेमुळे टळला अनुचित प्रकार

वाढदिवसाची ही अनोखी आणि तितकीच धोकादायक भेट देण्यापूर्वीच प्रवीण पोलिसांच्या जाळ्यात अडकला. त्याच्यावर भारतीय हत्यार कायद्यान्वये (आर्म ॲक्ट) गुन्हा दाखल करण्यात आला आहे. वाहतूक पोलिसांच्या सतर्कतेमुळे आणि धाडसामुळे एक अनुचित प्रकार टळला.

हे ही वाचा : प्रेम की डिप्रेशन? साखरपुड्यानंतर तरुणीने कृष्णा नदीत घेतली उडी, आत्महत्येचं नेमकं कारण काय?

हे ही वाचा : Satara Crime: अखेर साताऱ्यात 'त्या' टोळीचा गेम ओव्हर! एकूण 23 गुन्ह्यांची झाली उकल, 52 लाखांचं सोनं जप्त!