पेट्रोलपंप चालकाची कोणी केली हत्या?
उल्हासनगर येथे राहणारे रामचंद्र खकराणी (वय 75) यांचा विरारच्या चंदनसार येथे पेट्रोलपंप आहे. रविवारी रात्री साडेअकराच्या सुमारास ते व्यवस्थापकाकडून 50 हजार रुपये घेऊन घरी येण्यासाठी निघाले होते. त्यांच्यासोबत त्यांचा नेहमीचा चालक मुकेश खुबचंदानी (54) हा होता. मात्र खकराणी घरी पोहोचले नाही. त्यांच्या मुलाने संपर्क करण्याचा प्रयत्न केला. मात्र, खकराणी आणि चालक मुकेश खुबचंदानी या दोघांचे फोन बंद येऊ लागले. या प्रकरणी नायगाव पोलीस ठाण्यात ते बेपत्ता असल्याची तक्रार दाखल करण्यात आली होती.
advertisement
वाचा - ट्रेनी डॉक्टरचा आधी गळा दाबला, नंतर बलात्कार; त्या रात्री संजय रॉयने काय केलं?
सोमवारी दुपारी रामचंद्र खाकराणी यांचा मृतदेह मुंबई अहमदाबाद महामार्गावरील पेल्हार पोलीस ठाण्याच्या हद्दीत गाडीत आढळून आला आहे. गळा दाबून त्यांची हत्या करण्यात आल्याची शक्यता पोलिसांनी वर्तविली आहे. चालक मुकेश खुबचंदानी फरार असून त्याचा शोध सुरू आहे.