TRENDING:
मिळालेल्या माहितीनुसार, मुंबईतील जुहू गांधीग्राम रोडवर ही घटना घडली आहे. अभिनेताा अक्षय कुमार शुटिंग संपवून परत येत होता. अक्षय आपल्या मर्सिडीज कारमध्ये बसलेले होता. त्याच्यासमोर एक सुरक्षारक्षकांची इनोव्हा एमपीव्ही गाडी होती. अचानक सुरक्षारक्षकांच्या इनोव्हाने एका रिक्षाला धडक दिली. अचानक घडलेल्या या घटनेमुळे एकच खळबळ उडाली.
अक्षय कुमारने गाडी थांबवली. सुरक्षारकक्षाच्या इनोव्हाच्या धडकेमध्ये रिक्षाचालकाला दुखापत झाल्याचं सांगण्यात आलं आहे. याा अपघाताचा व्हिडीओ समोर आला आहे. व्हिडीओमध्ये स्पष्ट दिसत आहे की, अपघातानंतर इनोव्हा पलटी झाली आहे. इनोव्हाच्या धडकेमुळे रिक्षाचं प्रचंड नुकसान झालं आहे. रिक्षाचं छत पूर्णपणे उद्धवस्त झालं आहे.
तातडीने या रिक्षाचालकाला नजीकच्या रुग्णालयात दाखल करण्यात आलं आहे. स्वत: अक्षयकुमारने रिक्षाचालकाला रुग्णालयात दाखल करण्यासाठी मदत केली असल्याचं सांगितलं जात आहे. या अपघातात सुरक्षारक्षकांच्या इनोव्हा आणि रिक्षाचंं नुकसान झालं आहे. सुदैवाने याा अपघातात कुणालाही गंभीर अशी दुखापत झाली नसल्याचं सांगण्यात आलं आहे.
घटनेची माहिती मिळताच पोलीस आणि अग्निशमन दलाचे जवान घटनास्थळी दाखल झाले होते. या अपघातामुळे काही काळ वाहतुकीची कोंडी झाली होती. अपघातग्रस्त वाहनं बाजूला करण्यात आली. त्यानंतर वाहतूक पूर्वपदावर आली होती.