राष्ट्रीय पुरस्कार मिळवणारा आदिनाथ कोठारेचा 'पाणी' थिएटरमध्ये, प्रियांका चोप्राशी आहे खास कनेक्शन

'पाणी' या सिनेमातून आदिनाथ कोठारे यानं दिग्दर्शनात पदार्पण केलं. आदिनाथला या सिनेमासाठी 'पर्यावरण संरक्षण/संरक्षणावरील सर्वोत्कृष्ट फीचर फिल्म'साठी '66 वा राष्ट्रीय चित्रपट पुरस्कार' देण्यात आला. राष्ट्रीय पुरस्कार मिळाल्यानंतर हा सिनेमा रिलीज कधी होईल याकडे सर्वांचं लक्ष होतं. अखेर 18 ऑगस्ट रोजी सिनेमा रिलीज होणार असल्याची घोषणा करण्यात आली आहे.

( Shreyas Talpade Death Rumors : "मी जिवंत आहे..."; निधनाच्या अफवांवर श्रेयस तळपदेची संतप्त प्रतिक्रिया )

advertisement

'पाणी' या सिनेमात आदिनाथ कोठारेबरोबर रुचा वैद्य, सुबोध भावे, रजित कपूर, किशोर कदम, नितीन दीक्षित, सचिन गोस्वामी, मोहनाबाई, श्रीपाद जोशी, विकास पांडुरंग पाटील हे कलाकारही महत्त्वाच्या भुमिकेत दिसणार आहेत.

या सिनेमाशी अभिनेत्री प्रियांका चोप्रा हिचं खास कनेक्शन आहे. प्रियांका चोप्रा जोनस, डॅा. मधू चोप्रा या सिनेमाचे निर्माते आहेत. त्याचप्रमाणे राजश्री एंटरटेन्मेट यांनीही सिनेमाची निर्मिती केली आहे. तर महेश कोठारे, सिद्धार्थ चोप्रा या सिनेमाचे सहनिर्माते आहेत.

अभिनेता आदिनाथ कोठारेच्या वर्कफ्रंट विषयी सांगायचं झाल्यास त्याचा 'द रॉयल्स' हा प्रोजेक्ट नेटफ्लिक्सवर पाहायला मिळणार आहे. तसंच त्याचा 'शक्तिमान' हा सिनेमा देखील प्रेक्षकांच्या भेटीला आला होता. 'चंद्रमुखी' सिनेमामुळे आदिनाथ प्रचंड चर्चेत आला होता. त्यानं साकारलेल्या 'दौलतराव' या भुमिकेचं खूप कौतुक झालं होतं. त्याचप्रमाणे आदिनाथ कोठारे आणि महेश कोठारे 'झपाटलेला 3' प्रेक्षकांच्या भेटीला घेऊन येणार आहेत. ज्याची प्रेक्षक आतुरतेनं वाट पाहत आहेत.