आलिया भट्ट ही सध्याची सर्वाधिक प्रसिद्धी झोतात असलेली अभिनेत्री आहे. पर्सनल आणि प्रोफेशन अशा दोन्ही आयुष्यात ती तग धरून उभी आहे. तिनं केलेल्या एकाहून एक दमदार सिनेमांमुळे ती कायम चर्चेत राहिली आहे. तिची प्रसिद्धी पाहता तिच्या चेहऱ्याचा चुकीच्या पद्धतीनं वापर करण्यात आलाय.
हेही वाचा - Bigg Boss 17 मध्ये इमरान हाशमीची एंट्री? लेटेस्ट एपिसोडमधील 'हा' व्हिडीओ एकदा पाहाच
advertisement
व्हायरल होत असलेल्या आलियाच्या डिपफेक व्हिडीओमध्ये एका मुलानं निळ्या रंगाचे फ्लोरल डिझाइन असलेले कपडे घातले आहेत. ती बेडवर बसली असून हात वर करून ती कॅमेरासमोर अश्लिल चाळे करताना दिसतेय. या मुलीच्या चेहऱ्याच्या जागी आलियाचा चेहरा डिपफेक कऱण्यात आला आहे. हा व्हिडीओ सोशल मीडियावर वेगानं व्हायरल होत आहे. आलियाचा व्हिडीओ पाहून तिच्या चाहत्यांनी तीव्र नाराजी व्यक्त केली आहे.
या आधी अभिनेत्री रश्मिका मंदाना हिचा लिफ्टमधील एक डिपफेक व्हिडीओ व्हायरल करण्यात आला होता. रश्मिकाच्या व्हिडीओनंतर अभिनेत्री काजोलच्या कपडे बदलत असतानाचा व्हिडीओ आणि त्यानंतर अभिनेत्री कतरिना कैफ हिचा टाइगर 3मधील एक फोटो देखील अशाच प्रकारे डिपफेक करण्यात आला होता. रश्मिका, कजोल आणि कतरिना यांच्या डिपफेक व्हिडीओ आणि फोटोनंतर अभिनेत्री आलिया देखील डिपफेक व्हिडीओची शिकार झाली आहे.
बॉलिवूड अभिनेत्रीच नाही तर देशाचे पंतप्रधान नरेंद्र मोदी यांचा ही एक डिपफेक व्हिडीओ व्हायरल करण्यात आला होता. या व्हिडीओमध्ये मोदी काही स्त्रियांबरोबर गरबा खेळताना दिसत होते. हा व्हिडीओ पाहिल्यानंतर मोदींनी देखील चिंता व्यक्त केली होती. "आर्टिफिशिअल इंटेलिजेंस आणि डीपफेक व्हिडीओमुळे चिंता वाढत आहे. आर्टिफिशिअल इंटेलिजेंस हे आपल्याला खूप मोठ्या संकटाकडे घेऊन जाईल. यामुळे असंतोषाची आग वेगाने पसरवू शकतो", असं मोदींनी म्हटलं होतं.