नितीन देसाईंच्या ND Studioमध्ये पुन्हा लाइट, कॅमेरा, अ‍ॅक्शन! सरकारने घेतला ताबा

नितीन देसाई यांचा कर्जतमधील एनडी स्टुडिओ महाराष्ट्र चित्रपट, रंगभूमी आणि सांस्कृतिक विकास महामंडळाने चालवण्यासाठी ताब्यात घेतला आहे. एनडी स्टुडिओचे परिचालन व्यवस्थापकीय संचालक स्वाती म्हसे यांच्या मार्गदर्शनाखाली होणार आहे.

( Nitin Desai Death: नितीन देसाईंनी सलमान खानसाठी बनवला होता 1 कोटींचा काचेचा महाल )

स्टुडिओचे दैनंदिन प्रशासन, सुरक्षा, चित्रीकरण, महसूल व लेखाजोखा यावर महापालिकेचे नियंत्रण असणार आहे. व्यवस्थापकीय संचालकांच्या देखरेखीखाली एक विशेष टास्क फोर्स तयार करण्यात आला आहे. हा टास्क फोर्स स्टुडिओमध्ये चालू असलेल्या प्रशासकीय आणि विकास कामांमध्ये समतोल ठेवणार आहे. इतर व्यावसायिकांव्यतिरिक्त, टीममध्ये वित्त, कायदा, आयटी, एचआर सारखे डिपार्टमेंट असून त्यातील तज्ञ लोक असणार आहेत. सध्या म्हसे पाटील यांच्या मार्गदर्शनाखाली डॉ. सावळकर व विशेष कार्यकारी अधिकारी संजय कृष्णाजी पाटील प्रशासकीय कामकाज पाहणार आहेत.

advertisement

'लगान', 'जोधा अकबर' यांसारख्या अनेक बॉलिवूड सिनेमे एनडी स्टुडिओमध्ये शुट झाले आहेत. नितीन देसाईंच्या एनडी स्टुडिओमध्ये एकदा तरी काम करण्याची संधी मिळावी अशी प्रत्येक कलाकाराची इच्छा असायची. नितीन देसाई यांचे अनेक कलाकारांशी जिव्हाळ्याचं नातं होतं. त्यांच्या जाण्यानं इंडस्ट्रीत निर्माण झालेली पोकळी कधीही भरून निघणारी आहे. पण आता त्यांचा एनडी स्टुडिओ मात्र पुन्हा एकदा चमकताना दिसणार आहे.