ओटीटी प्लॅटफॉर्मवर अनेक विषयाच्या वेब सीरिज पाहायला मिळतात. हिंदी प्रमाणेच आता मराठी वेब सीरिजही येऊ लागल्या आहेत. काही दिवसांआधी आलेली बाई तुझ्या पायी ही वेब सीरिज प्रेक्षकांना आवडली. मासिक पाळी सारख्या महत्त्वाच्या विषयावर भाष्य करणारी ही सीरिज होती. या सीरिजला प्रेक्षकांची चांगला प्रतिसाद दिला. त्यानंतर अभिनेत्री शिवानी रांगोळे एका नव्या वेब सीरिजमधून प्रेक्षकांच्या भेटीला येत आहे.
advertisement
बे दुणे तीनचा ट्रेलर रिलीज झाला आहे. आधुनिक नातेसंबंधांची आनंददायी अनागोंदी आणि मनाला भिडणारे बारकावे यांचे ज्वलंत रूप या आयुष्याचे खरे स्वरूप दाखविणाऱ्या विनोदी नाटकात पहायला मिळणार आहे. बे दुणे तीन मध्ये दीक्षा केतकर, विराजस कुलकर्णी आणि शुभांकर एकबोटे सोबतच क्षितिश दाते, पुष्करराज चिरपुटकर आणि शिवाणी रांगोळे भूमिका साकारत असून हा अभय आणि नेहा या एका अशा तरुण जोडप्याचा प्रवास दाखवितो ज्यांना एक नव्हे, तर तीन बाळ होणार आहेत, असे कळल्यावर त्यांचे आयुष्य पूर्णपणे पालटते.
सुरुवातीला आश्चर्य आणि अविश्वास दिसतो, पण लगेचच गोंधळ, गैरसमज, आणि नव्याने प्रेम अशा भावनांचा सलग प्रवाह प्रारंभ होतो. भूतकाळ, वर्तमान आणि भविष्य अशा तीन एकमेकांत गुंफलेल्या काळांमध्ये या मालिकेचे कथन केले जात आहे आणि वैवाहिक आयुष्यातील बदलत्या परिस्थिती आणि यात जवळ येऊन ठेपलेल्या पालकत्वाचे चित्रण करण्यासाठी फारच कलात्मकरीत्या विनोद, भावना आणि सत्यता एकत्र गुंफल्या गेल्या आहेत. बे दुणे तीन संघर्ष, संबंध आणि स्वतःबाबतच्या जाणीवेतील क्षणांद्वारे आयुष्याचे जोडीदार आणि पालक म्हणून एकत्र पुढे जाण्याच्या गोड-तिखट प्रवासावर सुंदरपणे प्रकाश टाकते.
बे दुणे तीन ही सीरिज 05 डिसेंबर 2025 पासून ZEE 5 वर पाहायला मिळणार आहे.
