कोण आहे Bigg Boss Tamil 9 ची विजेती दिव्या गणेश? 8 वर्षांपूर्वी मोडलेला प्रसिद्ध अभिनेत्यासोबतचा साखरपुडा

कोण आहे दिव्या गणेश?

दिव्या गणेशचा जन्म 12 सप्टेंबर 1994 रोजी झाला. दिव्या 31 वर्षांची आहे. तामिळनाडूमधील रामनाथपूरम याठिकाणी ती लहानाची मोठी झाली आहे. लहानपणापासूनच तिला मॉडेलिंग आणि अभिनयाची आवड होती. शिक्षण पूर्ण केल्यानंतर तिने मनोरंजन क्षेत्रात पाऊल ठेवले आणि स्वतःची वेगळी ओळख निर्माण केली.

दिव्याने आपल्या अभिनय कारकिर्दीची सुरुवात 2015 मध्ये ‘केलाडी कनमनी’ या तमिळ मालिकेपासून केली. तिने ‘विन्नैथांडी वरुवाया’ आणि ‘लक्ष्मी वंधाचु’ यांसारख्या लोकप्रिय मालिकांमध्ये काम केलं. यात तिने अभिनेत्री वाणी भोजनसोबत स्क्रीन शेअर केली. 2019 मध्ये ‘भाग्यरेखा’ या मालिकेच्या माध्यमातून तिने तेलुगू टीव्ही विश्वात पदार्पण केले. त्यानंतर ‘सुमंगली’, ‘बाकियालक्ष्मी’ आणि ‘चेल्लम्मा’ अशा अनेक यशस्वी तमिळ मालिकांमध्ये अभिनय करत ती प्रचंड लोकप्रिय झाली.

advertisement

2017 मध्ये मोडलेला साखरपुडा

मिळालेल्या माहितीनुसार, दिव्या गणेशचा साखरपुडा 2017 मध्ये अभिनेता आणि निर्माता आर. के. सुरेश यांच्यासोबत झाला होता. मात्र त्यांचं नातं तुटलं. त्यानंतर त्यांच्या वैयक्तिक आयुष्याबाबत फारशी माहिती समोर आलेली नाही.