TRENDING:
'बॉर्डर 2' हा चित्रपट 1997 मध्ये रिलीज झालेल्या 'बॉर्डर' या चित्रपटाचा सीक्वेल आहे. 'बॉर्डर' हा ब्लॉकबस्टर ठरला होता. 'बॉर्डर' चित्रपट भारत आणि पाकिस्तान यांच्यात 1971 मध्ये झालेल्या युद्धावर आधारित होता. या चित्रपटात भारतीय सैनिकांचे शौर्य आणि संघर्ष दाखवण्यात आले होते. भारतीय लष्कराने पाकिस्तानला कसे गुडघे टेकायला भाग पाडले, हेही चित्रपटात दाखवण्यात आले होते. आता 'बॉर्डर 2'मध्ये पुन्हा एकदा भारत आणि पाकिस्तान यांच्यातील युद्ध पाहायला मिळेल.
advertisement
'बॉर्डर 2'च्या टीझरमध्ये काय आहे?
'बॉर्डर 2'मध्ये सनी देओलचा पुन्हा एकदा तोच दमदार अंदाज पाहायला मिळत आहे. युद्धावर आधारित असलेल्या या चित्रपटात देशभक्ती, कर्तव्य अशा अनेक गोष्टी या टीझरमध्ये पाहायला मिळत आहेत. दमदार संवाद, अंगावर काटा आणणारं पार्श्वसंगीत, वास्तवदर्शी युद्ध दृश्ये आणि योग्यपद्धतीने केलेली बांधणी या सर्व गोष्टींमुळे टीझर प्रेक्षकांच्या पसंतीस उतरत आहे. या चित्रपटाच्या माध्यमातून भूतकाळातील आणि वर्तमानातील दोन्ही काळातील सैनिकांना खऱ्या अर्थाने श्रद्धांजली देण्यात आली आहे. टीझरवरुन स्पष्ट होतं की 'बॉर्डर 2' ही फिल्म 2026 च्या सुरुवातीलाच दणदणीत कमाई करणार आहे.
टीझर रिलीज होण्यापूर्वी चित्रपटाची टीम सिद्धिविनायक मंदिरात पोहोचली होती. यावेळी भूषण कुमार, निधी दत्ता आणि अहान शेट्टी दिसून आले. मात्र सनी देओल, दिलजीत दोसांझ आणि वरुण धवन या वेळी उपस्थित नव्हते. सिद्धिविनायक मंदिरातील त्यांचे फोटो आणि व्हिडीओ सोशल मीडियावर व्हायरल झाले होते.