मराठी अभ्यास केंद्र या इन्स्टाग्राम पेजवरून चिन्मयीचा व्हिडीओ शेअर करण्यात आलाय. ज्यात चिन्मयीने एक प्रसंग सांगितला. चिन्मयी म्हणाली, "माझ्या घरी सुमीतचे कॉम्च्युम डिझाइन करायला एक मुलगी आली. ती मुलगी माझ्याशी सतत मॅम इंग्लीशच बोले. मी तिला विचारलं की, आय एम जस्ट हॅविंग टी, वुड यू लाइक सम टी. पण दोनदा ती नाही म्हणाली, त्यांचं काम संपतच नव्हतं. मी तिला शेवटी म्हटलं की प्लिज टेल मी नाऊ बिकॉज नाऊ आय हॅविंग माय सेकेंड कप ऑफ टी अँड यू नॉट हॅविंग एनी थिंग, यू आर हिअर इन लास्ट वन आवर. त्यानंतर त्या मुलीने चिन्मयीला हाफ कपल ब्लॅक कॉफी हवी आहे असं इंग्रजी सांगितलं."
advertisement
( 'रेगे'ची स्टोरी खरी का खोटी? आरोह वेलणकरची पोलखोल, पानसेंनी सत्य सांगितलं )
चिन्मयी पुढे म्हणाली, "मी कॉफी करायला जात होती तेवढ्यात तिचा फोन वाजला. ती मला म्हणाली, की आय एम सॉरी, आय हॅव टू गेट दिस. आणि ती म्हणाली, आग तिथेचय ना, तिथेचय ना. अग थैलीतय ना तिकडच्या, पांढऱ्या थैलीतय ना. मी वापस आले की देते तुला. मी वापस आले, देते तुला ऐकल्याबरोबर म्हटलं तिला, काय ग बिडाची की नांदेडची. तर मला म्हणाली, बिडाची. म्हटलं, कशाला मगापासून माझ्या तोंडाला फेस आणतेस इतका. कशासाठी."
"त्याच्याआधी ती मला म्हणाली होती, यु आर फॅब्युल्युअल इन सखाराम बाइंडर. आता सखाराम बाइंडर काय इंग्लीश बोलणारी मुलगी बघणार नाही. तर त्याच्यावरून मला असं झालं की, तुला माहितीये मी मराठी अभिनेत्री आहे. सुमीत राघव हा उत्तम मराठी बोलतो. मराठी नाटकातून कामं करतो. तू मराठीतली बिडाची मुलगी आहेस", असंही चिन्मयीने सांगितलं.
चिन्मयी म्हणाली, "पण इंग्लीश बोललं की तुमचं स्टँडर्ड ठरतं तुमचं, म्हणून तुम्ही इंग्लीश बोलता. ही जी काही आपली विचार करण्याची बेगडी पद्धत आहे... मला कळतंच नाही की कोंबडी आधी की अंड आधी. समाजाची विचारधारा अशी बेगडी आहे म्हणून सरकार असं वागतं की सरकारची विचारधारा बेगडी आहे म्हणून समाज असा वागतो हे मला कळत नाही."