'रेगे'ची स्टोरी खरी का खोटी? आरोह वेलणकरची पोलखोल, पानसेंनी सत्य सांगितलं

मुंबई : 2014 साली आलेल्या 'रेगे' या मराठी सिनेमाची खूप चर्चा झाली होती. अभिजीत पानसे यांनी सिनेमाचं दिग्दर्शन केलं होतं. 'रेगे'च्या निमित्तानं मराठीत एक वेगळा प्रयोग करण्यात आला होता. आरोह वेलणकर, महेश मांजरेकर, पुष्कर श्रोत्री, संतोष जुवेकर, विजू माने, प्रवीण तरडे, उदय सबनीस, अनंत जोग असे अनेक कलाकार या सिनेमात महत्त्वाच्या भुमिकेत होते. 'तुमच्या मुलांकडे तुमचं नीट लक्ष आहे का?' अशी टॅगलाइन घेऊन हा सिनेमा प्रेक्षकांच्या भेटीला आला होता. दरम्यान सिनेमात अनिरुद्ध रेगेची प्रमुख भूमिका साकारणारा अभिनेता अरोह वेलणकरने एका मुलाखतीत 'रेगे' सिनेमा हा 'सत्यकथा' असल्याचं सांगितलं होतं. त्याने मुलाखतीत केलेलं वक्तव्य चर्चेत आलं होतं. दरम्यान रेगेचे दिग्दर्शक अभिजीत पानसे यांनी आरोह वेलणकरची पोलखोल केली   आहे.