TRENDING:
वकिलांसह दिव्या शिंदेची पोलिस स्टेशनमध्ये धडक
दिव्या शिंदे आज संध्याकाळी ७:३० वाजता वकील ॲड. नितीन सातपुते यांच्यासह मुंबईतील आरे पोलीस ठाण्यात पोहोचली. बिग बॉसचे निर्माते आणि दिग्दर्शक प्रथमेश देसाई व इतर यांच्याविरोधात एफआयआर (FIR) दाखल करण्यासाठी तिने धाव घेतली आहे. दिव्याचा आरोप आहे की, तिला शोमध्ये आणि सोशल मीडियावर 'कोंबडी' सारख्या अपमानास्पद शब्दांनी हिणवण्यात आलं. केवळ इतकंच नाही, तर तिला तिचं घटनात्मक मत मांडण्यापासून रोखलं गेलं आणि तिचा मानसिक छळ करण्यात आला. यामुळे तिने आता अनुसूचित जाती आणि अनुसूचित जमाती (अत्याचार प्रतिबंधक) कायदा (SC/ST Act) अंतर्गत तक्रार देण्याचा पवित्रा घेतला आहे.
advertisement
दिव्याचा खळबळजनक खुलासा
पोलीस ठाण्यात जाण्यापूर्वी दिव्याने घेतलेल्या पत्रकार परिषदेत अनेक धक्कादायक खुलासे केले. दिव्या म्हणाली, "मी स्वतः कन्फेशन रूममध्ये जाऊन रडले होते, मला शो सोडायचा होता कारण तिथे माझ्या स्वाभिमानाची पायमल्ली होत होती. पण निर्मात्यांनी हे कधीच टीव्हीवर दाखवलं नाही. प्रेक्षकांना फक्त माझं भांडण दाखवलं, पण त्यामागचं सत्य दडवून ठेवलं." तिने पुढे असंही सांगितलं की, घरातील राकेश बापट, ओमकार राऊत आणि करण सोनावणे यांनी तिची मानसिक स्थिती ओळखून तिला पाठिंबा दिला होता. राकेशने तर बिग बॉसला विनंती केली होती की दिव्याला समजून घ्या, पण हे फुटेज जाणीवपूर्वक एडिट करण्यात आलं, असा गंभीर आरोप तिने क्रिएटिव्ह टीमवर केला आहे.
दिव्याने घेतलेल्या या आक्रमक पवित्र्यामुळे मराठी सिनेसृष्टीत एकच खळबळ उडाली आहे. एका बाजूला निर्माते आपल्या नियमावलीचा हवाला देत आहेत, तर दुसरीकडे दिव्याने आपल्यावर झालेल्या अन्यायाला वाचा फोडली आहे.