TRENDING:
उदयपूर ट्रिप ठरली चर्चेचं कारण
दिशा पटानी नुकतीच उदयपूरला कृति सेननची बहीण नूपुर सेनन आणि सिंगर स्टेबिन बेन यांच्या लग्नासाठी गेली होती. यावेळी तिला तिची जवळची मैत्रीण अभिनेत्री मौनी रॉय आणि तिचा पती सूरज नांबियार यांच्यासोबत उदयपूर विमानतळावर स्पॉट करण्यात आलं. मात्र या सगळ्यात सर्वाधिक लक्ष वेधून घेतलं ते दिशासोबत पंजाबी सिंगर तलविंदरची उपस्थिती.
advertisement
मास्कमध्ये दिसला तलविंदर
तलविंदर साधारणपणे सार्वजनिक ठिकाणी आपला चेहरा दाखवत नाही. विमानतळावरही तो फेस मास्क घालूनच दिसतो. स्टेजबाहेर तो आपली ओळख लपवून ठेवतो. आता दिशा पटानी आणि तलविंदर या दोघांना एकत्र टर्मिनलमध्ये एन्ट्री करताना पाहिलं गेलं आहे. यावेळी दिशा त्यांला बोर्डिंग पासशी संबंधित औपचारिकता पूर्ण करण्यात मदत करताना दिसली. दरम्यान CISF वेरिफिकेशनदरम्यान तलविंदरना थोड्या वेळासाठी आपला चेहरा दाखवावा लागला. मुंबईत पोहोचल्यानंतरही दोघांचं वागणं चर्चेचा विषय ठरलं. विमानतळावर तलविंदर दिशा पेक्षा थोडे पुढे चालताना दिसला, ज्यामुळे ते एकत्र फोटो काढून घेणं टाळत असावेत असं वाटलं. बाहेर पडताना त्यांनी मौनी रॉयला मिठी मारली, यावरून ते दिशाच्या फ्रेंड सर्कलमध्येही चांगलेच मिसळले असल्याचं स्पष्ट झालं.
दिशा पटानी किंवा तलविंदर यांच्याकडून अद्याप त्यांच्या नात्याबाबत काहीही माहिती समोर आलेली नाही. याआधी दिशाला गोव्यात अभिनेता अरशद वारसीसोबतही पाहिलं गेलं होतं, जिथे ती एका मिस्ट्री मॅनसोबत कारमध्ये बसलेली दिसली होती. तेव्हाही तो व्यक्ती तलविंदर असावा असा अंदाज लावण्यात आला होता, पण ओळख निश्चित होऊ शकली नव्हती.
कोण आहे तलविंदर?
पंजाबी म्युझिक इंडस्ट्रीमधील चर्चित नावांपैकी तलविंदर आहे. ‘गॅलन 4’, ‘पल पल’, ‘हसीन’, ‘युअर आयज’, ‘तू’, ‘विशेज’ आणि ‘ख्याल’ अशा अनेक हिट गाण्यांसाठी तो ओळखला जातो. नुकतेच त्याने कार्तिक आर्यन आणि अनन्या पांडे यांच्या ‘तू मेरी मैं तेरा, मैं तेरा तू मेरी’ या चित्रपटातील ‘तेनू ज्यादा मोहब्बत’ या गाण्याला आवाज दिला होता. तलविंदर नेहमीच आपला चेहरा लपवून ठेवतात आणि मास्क घालूनच दिसतात; त्यांना आपली ओळख लोकांसमोर आणायची नसते. दिशासोबत असताना मात्र पहिल्यांदाच त्यांचा चेहरा लोकांसमोर आला आहे.