TRENDING:
या घटनेत कोणीही जखमी झालं नाही. तसेच कोणतेही मोठे जीवित किंवा मालमत्तेचे नुकसान झाले नाही. माहिती मिळताच मुंबई पोलीस तात्काळ घटनास्थळी पोहोचले. फॉरेन्सिक टीमनेही तपास सुरू केला आहे. परिसर सील करण्यात आला असून मोठा पोलीस बंदोबस्त तैनात करण्यात आला आहे.
मुंबईतील जुहूच्या पॉश एरियात रोहित शेट्टीचं घर आहे. याला "शेट्टी टॉवर्स" म्हणूनही ओळखलं जातं. ही एक १० मजली इमारत आहे. अनेक प्रमुख बॉलिवूड स्टार्स तिथे राहत असल्याने इथे आधीच सुरक्षा कडक असते.
advertisement
पोलिस सूत्रांनुसार, तपासादरम्यान सीसीटीव्ही फुटेज तपासले जात आहे आणि जवळच्या साक्षीदारांची चौकशी केली जात आहे. अद्याप कोणत्याही टोळीने किंवा व्यक्तीने गोळीबाराची जबाबदारी स्वीकारलेली नाही. हल्लेखोरांची ओळख आणि हेतू निश्चित करण्यासाठी सर्व बाजुने तपास सुरू आहे. मुंबई पोलीस आयुक्तांनीही या घटनेला दुजोरा दिला आहे आणि सखोल चौकशी सुरू असल्याचे सांगितले आहे.