TRENDING:
रुग्णालयाने दिलं हेल्थ अपडेट
सलीम खान यांच्या प्रकृतीबाबत लोकांमध्ये अनेक अफवा पसरत असताना, लीलावती रुग्णालय प्रशासनाने एक अधिकृत पत्रक जारी करून परिस्थिती स्पष्ट केली आहे. रुग्णालयाने दिलेल्या माहितीनुसार, सलीम खान यांना त्यांचे फॅमिली डॉक्टर संदीप चोप्रा यांनी तातडीने रुग्णालयात आणले. प्रसिद्ध डॉक्टर जलील पारकर यांच्या नेतृत्वाखाली तज्ज्ञांची एक मोठी टीम त्यांच्यावर उपचार करत आहे, ज्यामध्ये न्यूरोलॉजिस्ट, कार्डियोलॉजिस्ट आणि न्यूरोसर्जन यांचा समावेश आहे.
advertisement
सर्वात दिलासादायक बाब म्हणजे, सध्या त्यांची प्रकृती स्थिर आहे. रुग्णालयाने पुढे विनंती केली आहे की, खान कुटुंबाच्या खासगीपणाचा आदर राखला जावा. उद्या सकाळी ११ वाजता कुटुंबाच्या संमतीने पुन्हा एकदा सविस्तर मेडिकल अपडेट प्रसिद्ध केले जाईल.
सलमान खानने अर्ध्यावर सोडलं शूटिंग
आपल्या वडिलांवर जीवापाड प्रेम करणाऱ्या सलमान खानला जेव्हा ही बातमी कळाली, तेव्हा त्याने क्षणभरही विचार न करता आपल्या आगामी चित्रपटाचे शूटिंग आणि सर्व महत्त्वाचे प्रोजेक्ट्स थांबवले. सकाळीच सलमान अत्यंत चिंतेत रुग्णालयात दाखल झाला. त्याच्यापाठोपाठ अरबाज खान, अलवीरा आणि अर्पिता देखील वडिलांच्या सोबतीला पोहोचले आहेत. सलमानच्या चेहऱ्यावरील तणाव पाहून परिस्थिती संवेदनशील असल्याचं स्पष्ट होत होतं.
जावेद अख्तर यांच्यासोबत मिळून 'शोले', 'जंजीर' आणि 'दीवार' यांसारखे अजरामर चित्रपट लिहिणारे सलीम खान हे खऱ्या आयुष्यातही खूप शिस्तबद्ध आणि खंबीर मानले जातात. ९० वर्षीय सलीम यांनी याआधीही अनेक आजारांवर मात केली आहे. सोशल मीडियावर सध्या चाहत्यांकडून आणि सिनेसृष्टीतील कलाकारांकडून त्यांच्या दीर्घायुष्यासाठी आणि लवकरात लवकर बरे होण्यासाठी प्रार्थना केली जात आहे.