Jahnavi Killekar : जान्हवीचे पहिले पाढे 55? नवा प्रोमो पाहून प्रेक्षकांनी मारला डोक्याला हात

यावेळी जान्हवी घरातील मोठ्यांशी नाही तर छोट्या पुढारीशी भांडताना दिसत आहे. 'बिग बॉस मराठी'च्या घरात सहाव्या आठवड्याचा नॉमिनेशन टास्क पार पडला. त्यानंतर नॉमिनेट झालेल्या सदस्यांनी नॉमिनेट करणाऱ्या सदस्यांवर चांगलाच राग काढला. जान्हवी आणि घन:श्याम यांच्यात चांगलाच वाद झाला आणि त्या वादाने टोक गाठलं.

( Bigg Boss Marathi Season 5 : रितेशने दाखवला 'गावठी बिग बॉस', Reel Star रॉक, घरातले शॉक )

advertisement

बिग बॉसचा नवा प्रोमो समोर आला आहे ज्यात जान्हवी आणि घन:श्याम कचाकचा भांडताना दिसत आहेत. जान्हवी घन:श्यामला म्हणते, "सगळ्यांना माहिती आहे तुला अक्कल नाही. अख्या घराने तुला नॉमिनेट केलं आहे." यावर घन:श्याम म्हणतो, "मला फरक पडत नाही. तू जेलमध्ये राहून आली आहेस. तुला अक्कल नाही". पुढे घन:श्यामला फटकारत जान्हवी म्हणते, "अक्कल शून्य आहेस तू".

View this post on Instagram

A post shared by Colors Marathi (@colorsmarathi)

घन:श्यामबरोबर भांडताना पुन्हा एकदा जान्हवीचा पहिला अवतार पाहायला मिळाला. जान्हवीची बोलण्याची आणि भांडण्याची भाषा पाहून पुन्हा एकदा तिला ट्रोल करण्यात आलं आहे. जान्हवीचे पहिले पाढे पंचावन्न आहेत अशा कमेंट्स अनेकांनी केल्या आहेत.

एका युजरनं लिहिलंय, "जान्हवी फुटेज घेते गरीब घनश्याम वर ओरडून, निक्कीशी भिडू नाही शकत". दुसऱ्या युजरनं लिहिलंय, "जान्हवी स्वतःच्या मुलावर डोळे फाडून असे ओरडेल का..??". आणखी एका युजरनं लिहिलंय, "अरे जान्हवी मॅडम परत आल्या जागेवर, ती जेलमध्येच बरी होती".