TRENDING:
आपल्या प्रेग्नेंसीच्या अफवा ऐकून नीना गुप्तांना हसू आवरलं नाही. 'बॉलिवूड हंगामा'शी बोलताना त्या म्हणाल्या, "आता मला एवढंच पाहायचं बाकी होतं. ही तर खरीखुरी 'बधाई हो' झाली असती!" नीना यांनी स्पष्ट केलं की त्या प्रेग्नेंट नाहीत. त्यांनी सांगितलं की, त्या दिवशी त्यांनी परिधान केलेल्या साडीचं कापड खूप जाड होतं, ज्यामुळे त्यांचा लूक थोडा बल्की वाटत होता. साडीच्या त्या विशिष्ट ड्रेपिंगमुळे लोकांना बेबी बंपचा भास झाला असावा.
advertisement
गंमतीचा भाग बाजूला ठेवून नीना गुप्ता यांनी या अफवांकडे सकारात्मकतेने पाहिलं आहे. त्या म्हणाल्या, "माझ्या या वयात लोक माझ्या प्रेग्नेंसीची चर्चा करतायत, हे पाहून मला खूप आनंद झाला. याचा अर्थ असा की आपण एक राष्ट्र म्हणून विकसित होतोय आणि जुन्या विचारांच्या बेड्या तोडतोय. ६६ व्या वर्षीही आई होण्याबद्दल लोक विचार करू शकतात, हे बदलाचं लक्षण आहे."
मसाबाच्या साडीतली ती रॉयल एन्ट्री
हैदराबादमध्ये झालेल्या या रिसेप्शनमध्ये नीना गुप्ता आपली कन्या, प्रसिद्ध फॅशन डिझायनर मसाबा गुप्ता हिने डिझाइन केलेली आयवरी रंगाची साडी नेसून पोहोचल्या होत्या. या साडीसोबत त्यांनी घातलेला हॉल्टर नेक ब्लाउज आणि पारंपरिक दागिने यामुळे त्या खूपच सुंदर दिसत होत्या. पण याच ग्लॅमरस लूकने चाहत्यांना गोंधळात पाडलं आणि बघता बघता त्यांच्या दुसऱ्या प्रेग्नेंसीच्या बातम्या वाऱ्यासारख्या पसरल्या.
८० च्या दशकात वेस्ट इंडिजचा दिग्गज क्रिकेटपटू विव्हियन रिचर्ड्स यांच्यासोबतच्या नात्यातून मसाबाचा जन्म झाला, तेव्हा समाजाने नीना यांच्यावर प्रचंड टीका केली होती. पण कोणाचीही पर्वा न करता त्यांनी सिंगल मदर म्हणून मसाबाचा सांभाळ केला. त्यानंतर २००८ मध्ये त्यांनी चार्टर्ड अकाउंटंट विवेक मेहरा यांच्याशी लग्न करून नव्या आयुष्याला सुरूवात केली.