प्राईम व्हिडिओवरील या लोकप्रिय सीरिजचं नाव आहे 'द फॅमिली मॅन'. ओटीटीवर अनेक हिंदी क्राईम थ्रिलर सीरिज उपलब्ध आहेत, पण या एकाच सिरीजबाबत लोकांमध्ये वेगळाच क्रेझ पाहायला मिळाली आहे. 'द फॅमिली मॅन' ही मनोज बाजपेयी यांच्या कारकिर्दीतील आजपर्यंतच्या सर्वोत्कृष्ट सीरीजपैकी एक मानली जाते. आनंदाची गोष्ट म्हणजे लवकरच 'द फॅमिली मॅन'चा तिसरा सीझनही रिलीज होणार आहे, जो 2025 च्या शेवटी पाहायला मिळेल. याचा पहिला सीझन 2019 मध्ये आणि दुसरा सीझन 2021 मध्ये आला होता. दोन्हीही सीझन हिट ठरले. याच्या पहिल्या आणि दुसऱ्या भागाला IMDb वर 8 पेक्षा जास्त रेटिंग मिळालेली आहे.
advertisement
आतापर्यंत आलेत 2 सीझन!
'द फॅमिली मॅन 3' मध्ये मनोज बाजपेयी म्हणजेच श्रीकांत तिवारी यांचा जबरदस्त अ‍ॅक्शन अवतार पाहायला मिळाला होता. जरी 'दिल्ली क्राईम' आणि 'सर्च: द नैना मर्डर केस' या सीरीज अलीकडेच ओटीटीवर रिलीज झाल्या असल्या, तरी कथा बाजूने 'द फॅमिली मॅन'ला टक्कर देऊ शकल्या नाहीत. प्रेक्षक आता 'द फॅमिली मॅन सीझन 3' कडून मोठ्या अपेक्षा ठेवून आहेत.'द फॅमिली मॅन' चे दिग्दर्शन राज आणि डीके यांनी केले आहे. या वेळी मनोज बाजपेयी यांच्या पात्राचा सामना जयदीप अहलावत यांच्याशी होणार आहे. शोमध्ये प्रियमणि श्रीकांत तिवारी यांच्या पत्नी सुचित्रा तिवारी यांच्या भूमिकेत दिसणार आहेत, तर शारिब हाश्मी हे श्रीकांतचे विश्वासू सहकारी जे.के. तलपडे यांच्या भूमिकेत झळकतील. अश्लेषा ठाकूर आणि वेदांत सिन्हा हे श्रीकांतची मुले, धृति आणि अथर्व यांच्या भूमिकांमध्ये आहेत.
प्राईम व्हिडीओची जबरदस्त सीरिज!
'द फॅमिली मॅन' ही एक क्राईम थ्रिलर सीरीज आहे, ज्यामध्ये मध्यमवर्गीय कुटुंबातील श्रीकांत तिवारी याची कथा दाखवण्यात आली आहे. तो देशाच्या गुप्तचर संस्थेत काम करतो आणि त्याचबरोबर आपल्या कुटुंबाचीही जबाबदारी सांभाळतो. लोकांमध्ये 'द फॅमिली मॅन'बद्दलचा क्रेझ अजूनही टिकून आहे, कारण या वेब सीरीजची दमदार कथा, अभिनेत्यांची जबरदस्त अभिनयशैली आणि तगड्या विनोदामुळे प्रेक्षकांना ती खूपच आवडली आहे.