Trending:

Naxal Leader Bhupati Surrender : मोठी बातमी! माओवादी चळवळीचा कणा मोडला, चळवळीच्या 'ब्रेन'चे सरेंडर, 60 नक्षलींसह शरणागती

Published by:Shrikant Bhosale

Last Updated:October 14, 2025 11:49 AM IST

Naxal Leader Bhupati Surrender : माओवादी चळवळीच्या इतिहासातील सगळ्यात मोठी धक्कादायक आणि देशाच्या सुरक्षा यंत्रणेला दिलासा देणारी बातमी पुढे आली आहे.

इम्पॅक्ट शॉटतुमचा गेटवे लेटेस्ट न्यूज

महेश तिवारी, प्रतिनिधी, गडचिरोली: माओवादी चळवळीच्या इतिहासातील सगळ्यात मोठी धक्कादायक आणि देशाच्या सुरक्षा यंत्रणेला दिलासा देणारी बातमी पुढे आली आहे. माओवाद्यांच्या संघटनेत सर्वोच्च असलेला 40 दशकं माओवादी संघटनेला उंचीवर नेणारा त्यांचा बौद्धिक चेहरा अशी ओळख असलेला मल्लोजुला वेणुगोपाल उर्फ भूपती उर्फ सोनू याने सुरक्षा यंत्रणांसमोर शस्त्र टाकले आहेत. भूपती हा संघटनेतील दुसऱ्या क्रमांकाचा मोठा नेता ओळखला जातो. भूपतीसोबत 60 माओवाद्यांनी देखील आत्मसमर्पण केले आहे. या घटनेमुळे माओवादी चळवळीला मोठा धक्का बसला असल्याचे म्हटले जात आहे.

नक्षली नेता भूपती याने 60 माओवाद्यांसह गडचिरोली पोलिसांसमोर रात्री उशिरा आत्मसमर्पण केल्याची माहिती आहे. 1970 च्या दशकात माओवादी संघटना पीपल्स वर ग्रुप मध्ये प्रवेश करणारा वेणूगोपाल उर्फ भूपती याची कारकीर्द गडचिरोली जिल्ह्यातल्या सिरोंचा तालुक्यातून सुरू झाली. मोठा माओवादी नेता मल्लोजुला कोटेश्वरराव उर्फ किशनजी याचा भूपती हा लहान भाऊ आहे. संपूर्ण देशभरात 6 कोटीपेक्षा अधिक बक्षिसाची रक्कम भूपतीवर जाहीर करण्यात आली होती.

माओवाद्यांच्या संपूर्ण संघटने संदर्भात असलेल्या धोरणांमध्ये बौद्धिक चेहरा म्हणून भूपतीने मोठी भूमिका बजावली आहे. अनेक मोठ्या हिंसक घटना ज्या घडलेल्या आहेत त्यांसह माओवाद्यांच्या संघटनेची स्थानिक पातळी पासून केंद्रीय समितीपर्यंत आखणी करण्यात, त्यात वेळोवेळी बदल करण्यात भूपतीची मोठी भूमिका राहिली आहे. अभय नावाने भूपती कडून अनेकदा पत्रकही जारी करण्यात आली आहेत. भूपती हा माओवादी संघटनेच्या इतिहासातील मोठा चेहरा आहे..

युद्धबंदी आणि शांतता चर्चा करण्यासंदर्भात तसेच शस्त्रे टाकण्या संदर्भात सगळ्यात अगोदर भूपतीने वक्तव्य केलं होतं. त्यावर माओवादी नेतृत्वाने तीव्र शब्दात टीका केल्यानंतर माओवादी संघटनेतील फूट जाहीर झाली होती. गडचिरोली पोलिसांचा हे मोठे यश असून भूपतीला आत्मसमर्पण घडवण्यामध्ये काही दिवसापासून पोलिसांचे प्रयत्न सुरू होते.. त्यात त्यांना यश आले आहे.

view comments

Location :

Gadchiroli,Maharashtra

First Published :

October 14, 2025 11:41 AM IST

Naxal Leader Bhupati Surrender : मोठी बातमी! माओवादी चळवळीचा कणा मोडला, चळवळीच्या 'ब्रेन'चे सरेंडर, 60 नक्षलींसह शरणागती