रिपोर्टवर विश्वास ठेवला तर, अभिनेत्री लवकरच बॉलिवूडमध्ये हृतिक रोशनसोबत एका मोठ्या बॉलीवूड प्रोजेक्टमधून जोरदार पुनरागमन करू शकते.
हृतिक रोशन आणि प्रियांका चोप्रा हे बॉलिवूडमधील सुपरहिट ऑनस्क्रीन जोडप्यांपैकी एक आहे. या दोघांनी क्रिश आणि अग्निपथ सारखे यशस्वी चित्रपट प्रेक्षकांना दिले आहेत. त्यामुळेच दोघांना एकत्र पाहणे चाहत्यांसाठी पर्वणीच असेल. बॉलीवूड लाईफमध्ये प्रसिद्ध झालेल्या वृत्तानुसार, क्रिश सिरीजचा पुढचा भाग क्रिश 4 साठी या चित्रपटाचे प्रियांका चोप्राशी संपर्क साधत आहेत. याआधीही तीन भागात हृतिक रोशनसोबत प्रियांकाच झळकली होती. त्यामुळे पुढच्या भागातही प्रियांकाच असावी असा चाहत्यांचा आग्रह आहे.
advertisement
प्रियांका चोप्राने क्रिश आणि क्रिश 3 मध्ये हृतिक रोशनसोबत प्रियाची भूमिका साकारली होती. जर प्रियंका चोप्राची निर्मात्यांशी चर्चा झाली तर ते प्रियांकासाठी बॉलिवूडमध्ये मोठे पुनरागमन ठरू शकते. मात्र, आतापर्यंत या चित्रपटाचा भाग असल्याबाबत निर्माते आणि प्रियांकाकडून कोणतीही प्रतिक्रिया आलेली नाही.
क्रिश 4 चे शूटिंग कधी सुरू होणार?
प्रियांका चोप्राने 2019 मध्ये फरहान अख्तरसोबत 'स्काय इज पिंक' या चित्रपटात काम केले होते. या चित्रपटातील तिच्या भूमिकेसाठी अभिनेत्रीचे खूप कौतुक झाले. या चित्रपटानंतर ती नेटफ्लिक्सचा चित्रपट 'द व्हाईट टायगर'मध्ये राजकुमार रावसोबत दिसली होती. प्रियांकाने 2021 मध्ये कतरिना कैफ आणि आलिया भट्टसोबतचा एक फोटो शेअर करून 'जी ले जरा'ची घोषणाही केली होती, परंतु सध्या हा चित्रपट स्थगित करण्यात आला आहे.
या मीडिया रिपोर्टमध्ये असा दावाही करण्यात आला आहे की, चित्रपटाची स्क्रिप्ट तयार झाली असून त्याला हृतिक रोशनने मंजुरी दिली आहे. या चित्रपटाला फेब्रुवारी २०२४ मध्ये सुरुवात होऊ शकते असं म्हटलं जातंय.