Bigg Boss 17 : बिग बॉसच्या घरात नुसते भांडतायत अंकिता-विकी; अभिनेत्री म्हणाली 'आता त्याचा आवाजही सहन...'

मुंबई, 01 नोव्हेंबर : सध्या बिग बॉसचं नवं पर्व तुफान चर्चेत आहे. या शोमध्ये रोज नव्यानव्या घडामोडी घडत आहेत. बिग बॉसच्या घरात एकत्र गेलेल्या जोड्या सुद्धा स्पर्धेमुळं एकमेकांशी भांडताना दिसतायत. यातच अभिनेत्री अंकिता लोखंडे आणि विकी जैन यांची जोडी चांगलीच चर्चेत आहे. हे कपल नेहमीच सोशल मीडियावर रोमँटिक फोटो शेअर करत असते. त्यांची केमिस्ट्री पाहून सगळ्यांनीच दोघेही या शोमध्ये पॉवर कपल म्हणून वावरतील, एकमेकांना टास्कदरम्यान साथ देताना दिसतील असं वाटलं होतं. पण तसं काही घडलं नाही. बिग बॉसच्या घरात या पती-पत्नीमध्ये दररोज भांडणे होत आहेत. अंकिता सांगते की ती विकीसोबत जास्तीत जास्त वेळ घालवता यावी म्हणून तिच्यासोबत आली होती. असा खुलासा अंकिताने केला आहे.