एका वाक्याच्या चिठ्ठीने उलगडलं 8 महिन्यापूर्वीचं हत्याकांड, नागपुरातील भयंकर प्रकार समोर

नागपूर जिल्ह्याच्या रामटेक तालुक्यातून एक धक्कादायक प्रकार उघडकीस आला आहे. येथील 'टुरिस्ट' नावाच्या धाब्यावर आठ महिन्यांपूर्वी एक हत्येची घटना घडली होती. मात्र याबाबत कुणाला काहीच कल्पना नव्हती. याबाबत जेव्हा बेपत्ता असल्याचा गुन्हा दाखल झाला, तेव्हा पोलिसांकडे कसलाच पुरावा नव्हता. पोलिसांना केवळ एक चिठ्ठी सापडली होती. त्या चिठ्ठीवरील एका वाक्याच्या माध्यमातून पोलिसांनी तपास करत आठ महिन्यांपूर्वी घडलेलं हत्याकांड उघडकीस आणलं आहे. पोलिसांनी आरोपीला बेड्या ठोकल्या असून त्याने गुन्ह्याची कबुली दिली आहे. घटनेचा पुढील तपास केला जात आहे.