आधी म्हणाला, 'रामायण'साठी दारू, सिगारेट, नॉन-व्हेज सोडलं, आता मटणावर ताव मारताना दिसला रणबीर कपूर, होतोय ट्रोल

रणबीर कपूर ट्रोल

रणबीर कपूरचा एक व्हिडीओ सध्या सोशल मीडियावर व्हायरल होत आहे. या व्हिडीओमध्ये रणबीर कपूर नॉन व्हेज खाताना दिसत आहे. रणबीरचा हा व्हिडीओ नेटफ्लिक्सवर नुकत्याच प्रदर्शित झालेल्या 'डायनिंग विथ द कपूर्स' या डॉक्युमेंट्रीमधील आहे. या रणबीरचं संपूर्ण कुटुंब एकत्र जेवण करताना दिसत आहेत. तसेच राज कपूर यांच्या आठवणींनादेखील यावेळी उजाळा देण्यात आला.

advertisement

नॉन व्हेज खाणं रणबीर कपूरला पडलंय भारी

'डायनिंग विथ द कपूर्स'च्या व्हायरल व्हिडीओमध्ये रणबीरची मावस बहीण रीमा जैनचा मुलगा अरमान जैन फिश करी, भात आणि मटण हे पदार्थ संपूर्ण कपूर कुटुंबाला जेवणात वाढतो. रणबीरसोबत नीतू कपूर, करीना कपूर, करिश्मा कपूर, रीमा जैन आणि सैफ अली खानदेखील दिसत आहेत. सोशल मीडियावर हा व्हिडिओ खूपच व्हायरल होत आहे. काही नेटकरी म्हणत आहेत की रणबीरने चित्रपटासाठी केलेले बदल हे फक्त पब्लिसिटी स्टंट होते.

Ranbir Kapoor PR lied that he avoided all kinds of meat while Filming Ramayana but in Dining with the Kapoors, we see all that claim being nothing but a lie.

byu/RapchikGunda inBollyBlindsNGossip

एका नेटकऱ्याने लिहिलं आहे,"रणबीरच्या पीआर टीमने दावा केला होता की त्याने नॉन व्हेज सोडले आहे. रामायण या चित्रपटात तो प्रभू श्री रामा ही भूमिका साकारत आहे. त्यांचा सन्मान म्हणून त्याने हा निर्णय घेतला आहे. पण आता काही महिन्यांतच रणबीर कपूर फिश करी आणि मटण खाताना दिसूम आला आहे.

रणबीर कपूरचा 'रामायण' हा चित्रपट दोन भागांत रिलीज होणार आहे. चित्रपटात सई पल्लवी सीतेची भूमिका साकारत आहे. तर रवि दुबे लक्ष्मणाची भूमिका साकारणार आहे. 'रामायण' हा देशातला आतापर्यंतचा सर्वात महागडा चित्रपट असणार आहे. 4000 कोटी रुपयांच्या बजेटमध्ये या चित्रपटाची निर्मिती करण्यात येत आहे. या सिनेमाचा पहिला भाग 2026 च्या दिवाळीत तर दुसरा भाग 2027 च्या दिवाळीत प्रदर्शित होणार आहे.