IND vs SA : रवी शास्त्रींनी सुनावलं, पंतने लगेच स्ट्रॅटर्जी बदलली; वॉशिंग्टन सुंदरने फसवला सर्वात मोठा मासा! पाहा कसा?

ऋषभ पंतने आज आपल्या रणनितीमध्ये बदल केला. ऋषभने वॉशिंग्टन सुंदरला लवकर बॉलिंग दिली. वॉशिंग्टन सुंदरने आपल्या बाउन्स आणि स्पिनच्या बळावर दक्षिण आफ्रिकेचा कॅप्टन टेम्बा बावुमा याला जाळ्यात फसवलं. साऊथ अफ्रिकेचा कॅप्टन केवळ 3 धावांवर नितीश कुमार रेड्डीच्या हाती कॅच आऊट झाला. वॉशिंग्टनने पहिल्या दोन बॉलवर टेम्बाला खेळण्यास भाग पाडलं अन् तिसऱ्या बॉलवर त्याची विकेट काढली. टेम्बाने मागील तिन्ही इनिंगमध्ये टीम इंडियाच्या नाकात दम केला होता. अशातच वॉशीने त्याला माघारी धाडलं आहे.

दरम्यान, दक्षिण आफ्रिकेकडे सध्या 366 धावांची मोठी आघाडी असली तरी, आज मॅचचा चौथा दिवस असल्याने टीम इंडिया 400 धावांच्या आत दक्षिण आफ्रिकेला ऑल आऊट करण्यात यशस्वी झाल्यास भारतासाठी या मॅचमध्ये विजयाची संधी निर्माण होऊ शकते. आता टीम इंडियाला आपली बॅटिंग मजबूत करावी लागणार आहे.

टीम इंडिया : यशस्वी जयस्वाल, केएल राहुल, साई सुदर्शन, ऋषभ पंत (कर्णधार/विकेटकीपर), रवींद्र जडेजा, ध्रुव जुरेल, वॉशिंग्टन सुंदर, नितीश रेड्डी, कुलदीप यादव, जसप्रीत बुमराह, मोहम्मद सिराज.

दक्षिण आफ्रिका : एडेन मार्कराम, रायन रिकल्टन, वियान मुल्डर, टेम्बा बावुमा (कर्णधार), टोनी डी जॉर्गी, ट्रिस्टन स्टब्स, काइल व्हेरेन (विकेटकीपर), सायमन हार्मर, केशव महाराज, मार्को जानसेन, सेनुरन मुथुसामी.