रिहानाने तिच्या इंस्टाग्रामवर HOMMEGIRLS VOLUME 14 चं कव्हर पेज शेअर केलं आहे. याफोटोमध्ये ती बेबी बंप दाखवताना दिसत आहे. आपला फोटो शेअर करत तिने कॅप्शनमध्ये लिहिलं आहे – ‘HOMMEGIRLS VOLUME 14 माझी नवीन फॅशन...’ ही पोस्ट पाहिल्यानंतर रिहानाच्या चाहत्यांचा आनंद गगनात मावेनासा झाला आहे. रिहानाची ही पोस्ट मुलींसाठी असलेल्या फॅशन मॅगझीनसाठी आहे. याच हिंटवरून तिचे चाहते अंदाज लावत आहेत की रिहानाचं तिसरं बाळ मुलगी असेल. फोटोवर कमेंट करत एका चाहत्याने लिहिलं,"आम्हाला एक बेबी गर्ल मिळणार आहे फेंटी". रिहानाच्या पोस्टवर अशा प्रकारच्या अनेक कमेंट्स येत आहेत.
advertisement
Sairat : 'सैराट'मध्ये फक्त रिंकूच नाही, तिचे आई-वडीलही झळकले होते; आठवतोय का तो सीन!
रिहाना आणि तिचे पती A$AP Rocky यांनी अनेकदा मुलगी होण्याबाबत इच्छा व्यक्त केली आहे. त्याचप्रमाणे लॉस एंजेलिसमध्ये एका चित्रपटाच्या प्रीमियरदरम्यान रिहानाने सांगितले की, तिचे दोन्ही मुलं — RZA (3 वर्षांचा) आणि Riot (2 वर्षांचा) लवकरच मोठे भाऊ होणार असल्याने खूप आनंदी आहेत. रिहानाला नेहमीच आपल्याला एक मुलगी व्हावी अशी इच्छा होती. काही दिवसांपूर्वी लॉस एंजेलिस येथील एका दुकानाबाहेरही रिहाना स्पॉट झाली होती. त्यावेळी तिच्या साधेपणा दाखविणाऱ्या लूकने चाहत्यांचं लक्ष वेधून घेतलं.