Trending:

Dashavatar Collection : 'दशावतार'ची 10 कोटींच्या क्लबकडे वाटचाल! अवघ्या 6 दिवसांत 9 कोटी पार

Published by:Minal Gurav

Last Updated:September 18, 2025 12:14 PM IST

Dashavatar Box Office Collection : दशावतार हा मराठी सिनेसृष्टीतील मैलाचा दगड ठरत असून सिनेमानं बॉक्स ऑफिसवर धुमाकूळ घातला आहे. सिनेमाने सहा दिवसांत 10 कोटींच्या दिशेने वाटचाल सुरू केली आहे.

इम्पॅक्ट शॉटतुमचा गेटवे लेटेस्ट न्यूज

मुंबई : अभिनेते दिलीप प्रभावळकर यांची प्रमुख भूमिका असलेला दशावतार हा बॉक्स ऑफिसवर धुमाकूळ घालतोय. सिनेमानं पहिल्या दिवसात 5 कोटींचा टप्पा ओलांडला होता. कोकणातल्या बाबुली मेस्त्रीची स्टोरी प्रेक्षकांनी अक्षरश: डोक्यावर घेतली असून सिनेमानं कमाईच्या बाबतीत रेकॉर्ड ब्रेक केलेत. दशावतार सिनेमा लवकरच 10 कोटींच्या क्लबमध्ये एन्ट्री घेण्यासाठी सज्ज झाला आहे. सिनेमाचं बॉक्स ऑफिस कलेक्शन समोर आलं असून आकडा ऐकून अभिमानास्पद आहे.

दशावतार सिनेमाला प्रेक्षकांचा उदंड प्रतिसाद मिळत असून सिनेमानं सातासमुद्रापार झेंडा रोवला आहे. मराठी प्रेक्षक बाबुली मेस्त्रीचा राखणदार बनला आहे. सिनेमानं अवघ्या सहा दिवसांत 9.45 कोटींची कमाई केली आहे. झी स्टुडिओकडून सिनेमाचं टोटल बॉक्स ऑफिस कलेक्शन शेअर करण्यात आलं आहे. अवघ्या सहा दिवसांत सिनेमानं मोठा टप्पा पार केला आहे.

( Dashavatar : 'दशावतार' ऑनलाईन लीक! चित्रपटाच्या टिमची प्रेक्षकांना कळकळीची विनंती; म्हणाले, "मराठी माणसांनी तरी..." )

दशावतार हा सिनेमा मराठी सिनेसृष्टीतील मैलाचा दगड ठरत असून सिनेमा भारतातच नाही तर भारताबाहेरही प्रेक्षकांच्या पसंतीस उतरतोय. अनेक अमराठी प्रेक्षकांनीही सिनेमाचं कौतुक केलंय. प्रेक्षकांनी प्रतिसाद दिला तर थिएटर मालकही मराठी चित्रपटांना प्राधान्य देत शोज वाढवतात हे दिसून येत आहे.

दशावतार सिनेमा रिलीज होण्याआधीच त्याची सर्वांना उत्सुकता होती. दशावतार हा सिनेमा सुरुवातीला तब्बल 325 स्क्रिन्समधून प्रेक्षकांच्या भेटीला आलेल्या दशावतारचे 600 शोज् होते. शनिवारी हा आकडा 800 एवढा झाला तर रविवारी यामध्ये वाढ होऊन तो 975 शोज् असा झाला. सर्वत्र हाऊसफुल्ल बोर्ड झळकत असून प्रेक्षकांकडून 'दशावतार' ला प्रचंड दाद मिळत आहे.

सिनेमा का घालतोय प्रेक्षकांना भुरळ?

'दशावतार'च्या माध्यमातून प्रेक्षकांना कोकणातील समृद्ध संस्कृती, परंपरा आणि लोककलेचा अप्रतिम संगम पाहायला मिळत आहे. चित्रपटाचे कथानक प्रेक्षकांना खिळवून ठेवत असून, कलाकारांचा दमदार अभिनय प्रेक्षकांच्या मनाला भिडत आहे. यासोबतच गाणी, देखावे आणि दिग्दर्शनातील भव्यता ही चित्रपटाची खरी ताकद ठरली आहे.

सुबोध खानोलकर दिग्दर्शित दशावतार सिनेमात दिलीप प्रभावळकर, सिद्धार्थ मेनन, प्रियदर्शिनी इंदलकर, महेश मांजरेकर, भरत जाधव, विजय केंकरे, सुनील तावडे, रवी काळे, लोकेश मित्तल, अभिनय बेर्डे, आरती वडगबाळकर यांच्या महत्त्वाच्या भूमिका आहेत.

Location :

Mumbai,Maharashtra

First Published :

September 18, 2025 12:14 PM IST

Dashavatar Collection : 'दशावतार'ची 10 कोटींच्या क्लबकडे वाटचाल! अवघ्या 6 दिवसांत 9 कोटी पार