Guru Pushyamrut: घेतलेलं सोनं, प्रॉपर्टी डबल..! खरेदीसाठीचा सर्वात चांगला मुहूर्त 6.29 पासून सुरू झाला

मुंबई : शुभ मुहूर्तावर खरेदी करणं लाभदायी मानलं जातं. कित्येक लोक आजही मोठी खरेदी करण्यापूर्वी शुभ मुहूर्त पाहतात. खरेदी करण्यासाठी पंचागातील काही शुभ मुहूर्त अतिशय खास मानले जातात. आज गुरुपुष्यामृत योग जुळून आला आहे. हा योग ज्योतिषशास्त्रानुसार एक अत्यंत शुभ आणि महत्त्वाचा योग मानला जातो. गुरुवार आणि पुष्य नक्षत्र यांचा संयोग होतो, तेव्हा हा योग तयार होतो. 'गुरु' म्हणजे बृहस्पती आणि 'पुष्य' म्हणजे पोषण करणारा, ऊर्जा देणारा. त्यामुळे या दोन्ही शुभ गोष्टींचा संगम झाल्यानं हा योग विशेष फलदायी मानला जातो.