शोमध्ये प्रवेश करताच निक्कीने थेट अरबाजला उद्देशून म्हटलं, 'धनश्री वर्मा ही सर्वात मोठी फसवणूक करणारी आहे! ती राईज अँड फॉल सीझन 1 मधील सर्वात नापसंत स्पर्धक आहे.' निक्कीच्या या वक्तव्यामुळे स्टेजवरच खळबळ उडाली. ती म्हणाली की, 'आता स्वतःचा मेंदू वापरण्याची वेळ आली आहे कारण कोणीही तुला सपोर्ट करत नाही.'
'कांतारा चॅप्टर 1' नंतर भारताला मिळाली नवी नॅशनल क्रश! कोण आहे रुक्मिणी वसंत?
advertisement
निक्कीने अरबाजला त्याच्या “साईड हग” विधानाबद्दलही सुनावले. ती म्हणाली, 'प्रेम व्यक्त करणे म्हणजे साईड हग देणे गरजेचं नाही. बाहेर काय चाललं आहे याची तुला कल्पनाच नाही.' अरबाज आणि धनश्रीच्या जवळिकीबद्दल निक्की नाराज असल्याचे स्पष्ट दिसले. तिच्या बोलण्यात ईर्षा, काळजी आणि राग तिन्ही गोष्टी दिसल्या.
निक्की पुढे म्हणाली, “तू तुझ्या मित्रांविरुद्ध उभा राहतोस, कारण तुला मालकी हक्काची सवय आहे. पण दहा दिवसांत असं नातं बनवणं योग्य नाही. माझं नाव तुझ्या नावाशी जोडलेलं आहे, म्हणून विचार करून वाग.” तिच्या या विधानाने शोमधील बाकी स्पर्धकही अवाक झाले.
निक्कीने अखेरीस अरबाजला भावनिक शब्दांत समजावलं, 'शिष्टाचार आणि आदर खेळापेक्षा वर आहेत. तू चांगला दिसत नाहीस, सगळे तुझा तिरस्कार का करत आहेत? कारण तू अपशब्द वापरतोस. लक्षात ठेव, तुझं कुटुंब हा शो पाहतं आहे.'