जुई गडकरीने तिचा मतदानाचा हक्क बजावला. वोट करण्यासाठी ती मतदान केंद्रावर कशी पोहोचली याविषयी तिने सांगितले. एक मतही खूप महत्त्वाचे आहे असाही सल्ला तिने यावेळी दिला.
जुईने वोट केल्याचा फोटो शेअर केला. या फोटोसोबत तिने कॅप्शनमध्ये वोट करण्यासाठी केलेला प्रवास सांगितला. जुई मुंबईतून कर्जतला गेली. नंतर कर्जत ते मढ आयलंडला सेटवर पोहोचली. यासाठी तिने पहिल्यांदा ट्रेन पकडली मग ती मेट्रोने गेली आणि नंतर ऑटो पकडली. त्यानंतर जेटीने प्रवास करत पुन्हा रिक्षा घेऊन ती सेटवर पोहोचली. 'हे सगळं फक्त एका मतासाठी. एका मताने फरक पडतो. जा आणि मतदान करा' असं जुईने म्हटलं.
advertisement
दरम्यान, जुईने सोशल मीडियावर ही पोस्ट शेअर करताच व्हायरल झाली. तिच्या या पोस्टवर भरपूर कमेंट येत आहेत. अनेकांनी जुईचे कौतुक केले. काम आणि वैयक्तिक आयुष्य चांगले मॅनेज करते असेही म्हटले, एक मत कर्जतच्या भविष्यासाठी, आदर्श नागरिक, अशा अनेक कमेंट करत लोकांनी जुईवर कौतुकांचा वर्षाव केला.