'दृश्यम 3' या बहुप्रतिक्षित चित्रपटाच्या शूटिंगला नुकतीच सुरुवात झाली आहे. चित्रपटाचा मुख्य नायक मोहनलाल यांनी सोशल मीडियावर याबद्दल माहिती दिली आहे. त्यांनी पूजा सोहळ्याचे फोटो शेअर केले आहेत. दिग्दर्शक जीतू जोसेफ आणि निर्माता अँटनी पेरूंबावूर यांच्यासोबत ते पुन्हा एकदा एकत्र आले आहेत.
Actor Life: 3 महिन्यांपासून अभिनेता झोपलाच नाही, जीव धोक्यात घालून बनवला सिनेमा; VIDEO
advertisement
सोमवारी सकाळी मोहनलाल यांनी सोशल मीडियावर एक खास पोस्ट शेअर केली. या पोस्टमध्ये ते क्लॅपबोर्ड हातात धरून आणि संपूर्ण टीमसोबत सेटवर पूजा करताना दिसतात. फोटोसोबत त्यांनी लिहिलं, “पुन्हा एकदा जॉर्ज कुट्टीच्या जगात परत. आज ‘दृश्यम 3’ चा शुभारंभ पूजेसह झाला.”
मोहनलालचा जॉर्ज कुट्टी हा पात्र प्रेक्षकांच्या हृदयात खोलवर घर करून बसला आहे. 2013 मध्ये आलेल्या दृश्यम पासून ते दृश्यम 2 पर्यंत या मालिकेने थरार आणि भावनांचा अनोखा मेळ घालून जबरदस्त यश मिळवलं. इतकंच नव्हे तर या कथेचं वेड इतकं पसरलं की ती हिंदीसह अनेक भाषांमध्ये रिमेक करण्यात आली. अजय देवगणने हिंदी आवृत्तीत मोहनलालची भूमिका साकारून ती फ्रँचायझी हिंदी प्रेक्षकांसमोर नेली.
आता तर ही कथा आंतरराष्ट्रीय पातळीवर झेपावतेय. दृश्यम लवकरच कोरियन भाषेतही बनवली जाणार असून, दिग्दर्शन सुप्रसिद्ध फिल्ममेकर देवक नोह करणार आहेत. यापूर्वी त्यांनी व्हेरी ऑर्डिनरी कपल या रोमँटिक कॉमेडीने प्रेक्षकांची मने जिंकली होती.