Trending Movies on Netflix : नेटफ्लिक्सवर दर आठवड्यात अनेक दर्जेदार कलाकृती प्रदर्शित होत असतात. पण यातील काही चित्रपट असे असतात जे थेट प्रेक्षकांच्या मनात घर करतात. कधी रोमान्स, कधी थ्रिलर, कधी फॅमिली ड्रामा, तर कधी अ‍ॅक्शन — हे चित्रपट प्रत्येक जॉनरचा पुरेपूर आनंद देतात. नेटफ्लिक्सवर सध्या एका पेक्षा एक चित्रपट प्रदर्शित झाले आहेत. या आठवड्यात नेटफ्लिक्सवर टॉप 10 चित्रपट ट्रेंड करत आहेत, जे तुम्हाला एंटरटेनमेंटचं फुल पॅकेज देणार आहेत. जर तुम्ही वीकेंडला काहीतरी नवीन आणि दमदार पाहण्याच्या विचारात असाल, तर ही यादी तुमच्यासाठी परफेक्ट आहे.
advertisement
सैयारा - 18 जुलै 2025
अहान पांडे आणि अनीत स्टारर 'सैयारा' हा एक म्युझिकल लव्हस्टोरी असणारा चित्रपट आहे. या चित्रपटात एक गायक आणि नवोदित पत्रकाराची रोमँटिक जर्नी दाखविण्यात आली आहे. तुटलेलं मन, आशा आणि संगीताच्या आधारावर त्यांचं नातं अधिक गहिरं होतं. हा चित्रपट प्रेम, विरह आणि नशिबाची एक सुंदर कथा सादर करतो.
Marathi Actress : मराठी अभिनेत्रीची फसवणूक; व्हिडीओ शेअर करत म्हणाली,"पोलिसांनाही गंडवलं"
इंस्पेक्टर जेंडे - 5 सप्टेंबर 2025
'इंस्पेक्टर जेंडे' हा एक सत्य घटनेवर आधारित थ्रिलर चित्रपट आहे. इंस्पेक्टर मधुकर जेंडेची गोष्ट या चित्रपटात दाखविण्यात आली आहे. ज्यांनी आधी धोकादायक सीरियल किलर कार्ल भोजराजला अटक केली होती. पण जेव्हा तो गुन्हेगार तिहार जेलमधून पळून जातो, तेव्हा तो पुन्हा मुंबईत भीतीचं वातावरण निर्माण करतो. त्यामुळे त्याला पुन्हा पकडणं आणि सत्य समोर आणणं हे इन्स्पेक्टर जेंडे यांचं मिशन असतं.
मॅटेरियलिस्ट - 13 जून 2025
'मॅटेरियलिस्ट' हा चित्रपट न्यूयॉर्कमधील डेटिंग लाईफवर आधारित आहे. यात लुसी नावाची एक मुलगी आहे. तिला इतरांचं नातं जुळवण्याचं काम आहे, म्हणजेच ती एक मॅचमेकर आहे. पण जेव्हा तिच्या स्वतःच्या प्रेमाच्या बाबतीत ती अडकते, तेव्हा गोष्टी गुंतागुंतीच्या होतात. तिच्या आयुष्यात दोन पुरुष येतात. एक तिचा एक्स, जो आयुष्याशी झुंज देतोय, आणि दुसरा एक श्रीमंत व स्थिर व्यक्ती. ही कथा दाखवते की, खरं प्रेम पैशांवर नाही, तर जोडणं आणि मनाच्या नात्यावर आधारित असतं.
किंगडम - 31 जुलै 2025
'किंगडम' हा चित्रपट अ‍ॅक्शन आणि ड्रामाने भरलेला आहे. यात राजांचं राजकारण, कटकारस्थानं आणि युद्ध दाखवण्यात आलं आहे. एक तरुण योद्धा आपल्या राज्य आणि राजाची रक्षा करण्यासाठी झुंज देतो. चित्रपटात तुम्हाला शौर्य, धोका आणि सत्तेसाठीची लढाई पाहायला मिळेल.
मेट्रो इन दिनो - 4 जुलै 2025
'मेट्रो इन दिनो' या चित्रपटात एक मॉर्डन लव्हस्टोरी दाखविण्यात आली आहे. एकमेकांशी जोडले गेलेल्या चार जोडप्यांची कथा या चित्रपटात चित्रीत करण्यात आली आहे. आजच्या धावपळीच्या आयुष्यात नात्यांमध्ये कसे बदल होतात, फसवणूक आणि विश्वास यांची काय भूमिका असते, हे सगळं या चित्रपटात दाखवले आहे. चित्रपटाचा मुख्य संदेश असा आहे की, खरं प्रेम आणि नात्यांचं महत्त्व समजून घेणं अत्यंत गरजेचं आहे.
द रॉन्ग पेरिस - 12 सप्टेंबर 2025
'द रॉन्ग पेरिस' हा एक मजेदार रोमँटिक विनोदी चित्रपट आहे. डॉन नावाच्या मुलीला वाटतं की, ती एका डेटिंग शोसाठी फ्रान्सला जात आहे. सुरुवातीला ती रागाने शो सोडून जायची इच्छा करते, पण नंतर प्रेम आणि आयुष्य तिला नव्या वळणावर घेऊन जातं.
तेहरान - 14 ऑगस्ट 2025
'तेहरान' हा एक अ‍ॅक्शन, थ्रिलर चित्रपट आहे. या चित्रपटात डीसीपी राजीव कुमार यांची कथा आहे, जे एका बॉम्बस्फोटानंतर त्या प्रकरणाच्या मुळाशी जाण्याचा प्रयत्न करतात. तपास करत करत ते थेट तेहरानपर्यंत पोहोचतात, जिथे आतंकवाद आणि राजकीय कटकारस्थानाचे जाळे पसरलेले असते. कथेमध्ये थरार आणि रहस्य भरलेला आहे.
मारीसन - 25 जुलै 2025
'मारीसन' हा एक भावनिक प्रवासाचा चित्रपट आहे. यामध्ये वेलायुधम आणि धाया ही दोन पात्रं नागरकोईलहून तिरुवन्नामलईपर्यंतच्या प्रवासावर निघतात. हा प्रवास फक्त रस्त्याचा नसून, त्यांच्या मनाचा आणि आत्म्याचाही असतो. त्यांना त्यांच्या भीतींना, भावना आणि आशांना सामोरे जावे लागते.
मां - 27 जून 2025
काजोलचा ‘माँ’ हा एक हॉरर-थ्रिलर चित्रपट आहे. ज्यामध्ये ती एका अशा आईची भूमिका साकारते, जिला आपल्या मुलाच्या रहस्यमय मृत्यूनंतर अजब घटनांना सामोरे जावे लागते. हा चित्रपट दाखवतो की, मातृत्व, प्रेम आणि भीती एकत्र येऊन अलौकिक शक्तींशी कशा प्रकारे टक्कर घेतात.
कराटे किड:लेजेंड्स - 30 मे 2025
'Karate Kid' या फ्रेंचायझीचा हा आगामी चित्रपट आहे. यामध्ये एक नवीन कराटे शिकणारा विद्यार्थी दाखवला गेला आहे, जो आपल्या गुरूंकडून शिकून विविध आव्हानांचा सामना करतो. चित्रपटाचे नाव लेजेंड्स आहे, त्यामुळे यामध्ये जुन्या गुरूंची आणि कराटेच्या वारशाची झलक देखील पाहायला मिळू शकते.