Cardamom Price: मसाल्यांची राणी महागली, दर 3500 रुपये किलोवर, कारण काय? Video

छत्रपती संभाजीनगर : सध्या इलायची साडेतीन हजार रुपये किलोवर गेली असून एका तोळ्यासाठी ग्राहकाला 30 ते 40 रुपये मोजावे लागत आहेत. मागील काही महिन्यांत इलायचीचे दर मोठ्या प्रमाणात वाढले. इलायचीचे कर्नाटक, केरळ आणि तामिळनाडू या राज्यांमध्ये मोठ्या प्रमाणात उत्पादन घेतले जाते. पाच, सात आणि नऊ एमएम अशा लहान-मोठ्या आकाराने मिळणाऱ्या इलायचीचे 2600 रुपयांपासून ते 3300 रुपयांपर्यंत दर आहे. तसेच हे दर दिवाळीपर्यंत स्थिर राहणार असल्याचे होलसेल किराणा विक्रेते ललित धोका यांनी लोकल 18 सोबत बोलताना सांगितले.