Team India : ना स्मृती...ना हरमनप्रीत, कोण आहे टीम इंडियाची सर्वात श्रीमंत क्रिकेटर? नाव पाहून विश्वास बसणार नाही!

टीम इंडियाचे पुरुष क्रिकेटपटू कोट्यवधी रुपयांचे मालक असल्याचं आपण अनेकदा पाहिलं आहे, पण वर्ल्ड कप विजयानंतर आता महिला क्रिकेटपटूंच्या संपत्तीबाबत जाणून घ्यायची क्रिकेट चाहत्यांना उत्सुकता आहे.

स्मृती मंधना ही केवळ एक क्रिकेट स्टार नाही तर एक ब्रँड आहे. तिची एकूण संपत्ती 32-34 कोटी दरम्यान असल्याचा अंदाज आहे. बीसीसीआयसोबतच्या ग्रेड ए करारातून ती दरवर्षी 50 लाख आणि महिला प्रीमियर लीग (WPL) मध्ये रॉयल चॅलेंजर्स बंगळुरू (RCB) चे नेतृत्व करताना प्रत्येक सिझनमध्ये 3.4 कोटी कमावते.

मैदानाबाहेर, ती ह्युंदाई, नाइकी आणि रेड बुल सारख्या प्रमुख कंपन्यांची ब्रँड अॅम्बेसेडर आहे, प्रत्येक करारातून 50-75 लाख कमावते. स्मृतीचे सांगलीमध्ये एक सुंदर घर आहे, ज्यामध्ये एक जिम, एक थिएटर आणि तिचा स्वतःचा SM-18 स्पोर्ट्स कॅफे आहे. तिच्या साधेपणा, शिस्तीमुळे ती भारतातील सर्वात लोकप्रिय महिला खेळाडूंपैकी एक बनली आहे.

भारताच्या पहिल्या महिला वर्ल्ड कप विजयात नेतृत्व करणारी कर्णधार हरमनप्रीत कौर आता घराघरात पोहोचली आहे. तिची अंदाजे एकूण संपत्ती सुमारे 25 कोटी आहे. तिला तिच्या बीसीसीआय ग्रेड ए करारातून दरवर्षी 50 लाख रुपये आणि महिला प्रीमियर लीग (WPL) मध्ये मुंबई इंडियन्सकडून दर हंगामात 1.8 कोटी रुपये मिळतात.

हरमनप्रीत ही पंजाब पोलिसात डीएसपी देखील आहे, जी तिला कायमस्वरूपी पगार देते. तिला PUMA, CEAT, HDFC लाईफ आणि बूस्ट सारख्या ब्रँडच्या जाहिरातींमधून दरवर्षी सुमारे 50 लाख रुपये मिळतात. तिच्याकडे पटियाला आणि मुंबईत आलिशान घरे आहेत आणि ती तिच्या लक्झरी कार आणि बाईकच्या संग्रहासाठी ओळखली जाते.

मिताली राज ही भारतीय महिला क्रिकेटमधील सर्वात प्रमुख खेळाडूंपैकी एक आहे. तिचे वडील, दोराई राज, भारतीय हवाई दलात अधिकारी होते आणि तिची आई, लीला राज यांनी लहानपणापासूनच तिची स्वप्ने पूर्ण केली. वयाच्या 10 व्या वर्षी क्रिकेट खेळायला सुरुवात करणारी मिताली आज महिला क्रिकेट इतिहासात सर्वाधिक रन करणारी खेळाडू आहे.

मिताली राजची अंदाजे एकूण संपत्ती 40-45 कोटी दरम्यान आहे, ज्यामुळे ती भारतातील सर्वात श्रीमंत महिला क्रिकेटपटू आहे. निवृत्तीनंतरही, ती ब्रँड एंडोर्समेंट, मेंटरशिप भूमिका आणि क्रिकेट विकास कार्यक्रमांद्वारे पैसे कमवते. मितालीची कहाणी जोधपूरच्या रस्त्यांपासून सुरू झाली आणि जागतिक स्तरावर पोहोचली. भारतीय क्रीडा इतिहासातील हा सर्वात प्रेरणादायी प्रवास आहे.